美麗戰場|劇情被指老土兼節奏慢 重現張國榮離世情景 網民:點解要擺哥哥上枱?

《美麗戰場》劇照
《美麗戰場》劇照

TVB台慶劇《美麗戰場》由葉念琛身兼監製、導演及編劇,並搵嚟陳瀅、陳山聰、朱晨麗、劉佩玥、蔣家旻、方力申及陳曉華等人主演,劇情主要圍繞幾位女角色之間為復仇而明爭暗鬥嘅故事,打造港版《Penthouse上流戰爭》。劇集喺前晚(3日)首播,而家就同大家睇下網民有咩反應啦!

劇情老土/節奏慢
劇集至今播出咗兩集,劇情都係主要圍繞阿寶(陳瀅飾)年輕時發生嘅事,當中不乏老土劇情,例如異父異母細妹琪琪(蔣家旻飾)勾搭學校訓導主任,喺二人行街時被阿寶發現,回家後仲連同阿寶後母(楊卓娜飾)反過來誣衊阿寶做援交妹,向爸爸鍾勝(杜燕歌飾)告狀,結果阿寶慘被掌摑兼趕出門口,要到好朋友屋企暫住。唔少網民認為劇情老土兼節奏慢,紛紛留言話「d劇情老X土到」、「當年粵語殘片中的惡毒後底乸。」、「老土到傻 唔知係唔係葉導既思想仲停留左80年代既電視劇度」、「大佬 啲劇情好老土」、「見到葉念琛個名都已經覺得老土」、「幾時先做返大個左啲戲 而家勁悶」、「好老套 睇到打冷震」、「啲劇情仲老土過溏心風暴」、「拖得好慢…幾時戲肉呀」、「2003不是八十年代,導演有無咁離地,仲家嘈屋閉趕女出街咁老套。」及「拖太慢啦,用左兩集都未去到戲肉」等等。

雲集靚女演員
《美麗戰場》雲集多位靚女藝員,包括陳瀅、朱晨麗、劉佩玥、蔣家旻、陳曉華、何依婷、郭柏研及葉倩文等等,佢哋已經陸續登場,成功引起一班網民關注,留言大讚佢哋靚女,例如「呢套野咁多後生靚女既」、「後生 look 陳瀅最正」、「陳瀅真係好正」、「陳瑩扮純情都得 佢幾好戲」、「好中意郭柏妍,好可愛又靚女」、「郭柏研眼大大 成隻貓好cute」、「葉倩文同郭柏妍幾靚女」、「期待朱晨麗」、「Hera好靚女」及「曉華好靚女呀」等等。

消費哥哥
喺首集,劇情交代阿寶嘅偶像係張國榮,更講到佢童年時期跟媽媽一樣去追星,仲同偶像合照,之後重現張國榮於喺2003年4月1日墮樓身亡嘅情景,而當時阿寶搭緊小巴,而背景音樂仲係張國榮嘅《風繼續吹》,除咗阿寶偷偷飲泣之外,其他小巴乘客都面露難過嘅表情。唔少網民不滿劇集消費哥哥,留言話「點解要消費張國榮」、「點解要擺哥哥上枱?」、「好心啦,真係有必要拎哥哥黎搞咩」、「監製咁抽水法! 真係需要咁消費哥哥?」及「似係想利用哥哥事件煽情,令睇第一集的觀眾有「共嗚」」等等。

《美麗戰場》劇照
《美麗戰場》劇照
《美麗戰場》劇照
《美麗戰場》劇照
《美麗戰場》劇照
《美麗戰場》劇照
《美麗戰場》劇照
《美麗戰場》劇照
《美麗戰場》劇照
《美麗戰場》劇照
《美麗戰場》劇照
《美麗戰場》劇照
《美麗戰場》劇照
《美麗戰場》劇照
《美麗戰場》劇照
《美麗戰場》劇照

是日精選

側田極速再開show 網友再翻唾棄香港市場言論 小肥幫口出post解圍

網民列30大香港「年過50美魔男星」張智霖排名惹網民爭議 第1名75歲卻實至名歸?

麥明詩「脫無」與TVB結束7年長約:暫時唔會返去!

撐枱腳斷正 林正峰暗示「中計」 劉溫馨反擊:唔熟點會食飯?

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!