老公恨客串醫生 陳煒幫口𢱑劇拍

陳煒收起身材演大狀,最難是背劇本。
陳煒收起身材演大狀,最難是背劇本。

藝人陳煒經常飾演專業人士,除要背誦大堆對白,更要顧及專業術語,幸有醫生老公幫忙對戲及解釋醫學名詞。她又踢爆老公有戲癮,想客串醫生角色,一圓心願!

陳煒、蔣家旻游嘉欣昨日拍攝無綫新劇《非常檢控觀》,劇情講述陳煒與飾演富家女的蔣家旻參加池邊派對,游嘉欣則為男友到現場尋找目標人物。

陳煒解釋今次飾演大狀兼母親,所以不用泳裝上陣:「視乎劇情需要,唔介意着泳衣。(要老公批准?)唔使佢審批,哈哈!」她坦言最難是背劇本,問會否找老公對戲?她說:「試過呀!尤其係同醫學有關嘅劇情,我都想了解清楚啲專用名詞。(叫老公客串?)佢有講過想做行出嚟同家人宣布病人死亡、講『我哋已經盡咗力』嗰啲,佢好想做!」

蔣家旻堅拒三點式

蔣家旻則表示分析角色後,決定穿沙灘裝:「我個角色唔需要咁性感。(怕着泳衣?)留畀啲後生、身材好嘅着。」又自嘲身材不適合穿三點式:「我係中央肥胖,天生冇乜腰形,以前拍《3日2夜》同監製講,你搵我做乜都得,但點都唔着比堅尼!」又指最極限是着一件頭。至於身穿背心露小蠻腰的游嘉欣,自言較擔心拍外景中暑。

蔣家旻以沙灘裝上陣,直言點都唔着比堅尼。
蔣家旻以沙灘裝上陣,直言點都唔着比堅尼。
游嘉欣露腰仔,笑言怕中暑。
游嘉欣露腰仔,笑言怕中暑。