雅虎香港新聞 聖誕禮物2022｜10款惡搞朋友聖誕禮物推薦！鼻毛手機殼／粟米肉粒飯味香氛蠟燭／客製人形衣架
一年一度聖誕節又就快到，當大家密鑼緊鼓約緊朋友開聖誕party、食聖誕大餐時，大家準備好交換聖誕禮物的環節未？相信不少朋友每年總都會收到一兩份惡搞禮物，今年想掉轉角色，玩翻朋友一次？編輯搜羅Pinkoi上各式各樣禮物，精選了十款有趣、得意的聖誕禮物推薦俾大家！趁聖誕節前，拿拿臨上網買定，今年一齊挑戰友誼底線啦！
👉🏻聖誕禮物推薦全攻略！聖誕大餐、實用禮物、減價情報去呢度一個Page睇晒
【立即睇】全新 Yahoo Shopping 專頁正式上線，跟貼最新優惠情報！
聖誕惡搞禮物推薦1）啾咪摩艾石像盆栽
價錢：$182起
暫時去唔到復活節島或日本九州睇摩艾石像？一於送個摩艾石像盆栽俾朋友當住先啦！摩艾搭上奇怪的植物髮型，加埋「啾咪」愛心手勢，超級可愛！大家更可以在石像上定製指定字句及數字，心思爆燈！編輯認為這份禮物完全無惡搞成分！
聖誕惡搞禮物推薦2）客製人形衣架
特價：$168｜原價：$191
想朋友日日都掛住你？客製人形衣架就最啱！除了可以自己設計頭像樣貌外，更可以選擇衣架的身體版型及著咩衫，想將自己變成大隻佬又得，斯文西裝look都得！每次拎衫都見到你個樣，年年都一定記得你！
聖誕惡搞禮物推薦3）烤肉造型手工皂
價錢：$131
身邊總有個朋友日日嗌減肥，但日日都食好西！想為朋友健康著想的話，不妨送個烤肉造型手工皂，用完當食咗啦！
聖誕惡搞禮物推薦4）鼻毛手機殼
價錢：$215
而家人人一機在手，想送手機殼但又略嫌Casetify等牌子的款式不夠特別？想挑戰友誼底線的話，鼻毛外露手機殼一流！望住鼻毛一條條跑晒出來，好想幫佢修剪啊！
聖誕惡搞禮物推薦5）頭像襪
價錢：$126起
「襪」輕情意重，今個聖誕節就送對襪俾朋友！頭像襪可以自己定製想要的頭像，由一個樣貌至6個樣貌都得。可以印上討厭的人，日日踩住佢；或者印晒成班friend個樣落去，日日著住佢都得！
聖誕惡搞禮物推薦6）羊毛氈仿真曱甴
價錢：$181起
絕對是絕交禮物之一的羊毛氈仿真曱甴，使用100％澳洲羊毛氈製作，可以用來當做扣針、磁石貼及擺設。貼在雪櫃上，真的會有種以為是真曱甴的錯覺！朋友收到一定嚇一嚇！
聖誕惡搞禮物推薦7）怪奇氣味香氛蠟燭
價錢：$155
如果朋友是香氛蠟燭控，這款粟米肉粒飯香味的香氛蠟燭就夠晒有新意，甜甜地的粟米味及飯味，一聞以為自己食緊粟米肉粒飯，味道超似！產品由香港本土品牌The Wax Can手工製造，除了粟米肉粒飯味外，亦有香菜味、清潔地板味、流心奶黃味、凍檸茶味等，款款都非常特別！
聖誕惡搞禮物推薦8）電子琴廁所地氈
價錢：$107
唔想朋友每次去廁所都send一堆嘔心照片的話，送一個電子琴廁所地氈幫對方解解悶！外國設計師將電子琴融入在廁所地氈設計中，不單只有防水功能，更可以摺疊收納。產品亦會於1分鐘無操作任何按鍵後，就會自動關機，去完廁所就算唔記得熄機都唔怕！去廁所突然靈感到都可以即刻彈番首歌！
聖誕惡搞禮物推薦9）印花廁紙
特價：$28｜原價：$32
紙巾都可以有新玩法？今個聖誕節為經常便秘的朋友送上一卷印花廁紙吧！以黑白爆笑的圖案方式，教大家點樣用廁紙！產品更有第一季及第二季的印花圖案，總共10款動作，從此放下手機，一齊學習點用廁紙啦！
聖誕惡搞禮物推薦10）水泥擴香
價錢：$306
「開關制」磁吸式水泥擴香絕對不是惡搞朋友的禮物！仿真度極高的「開關制」，可以噴灑或滴入鍾意的香水或香氛，無需插電即可散發香氣！貼在房門燈制旁邊，唔小心就會好易撳錯制。
鐘意網購嘅朋友，加入我哋嘅網購網，拎更多網購/集運資訊啦～
🎉📱最新優惠碼/網購攻略：https://hk.news.yahoo.com/topic/hkshopping
🎉📱Shopping Facebook：https://www.facebook.com/YahooHKShopping/
潮流熱話：
聖誕禮物2022｜交換禮物設計感滿滿之選！MoMa尋寶Jellycat公仔、Keith Haring國際象棋、BE@RBRICK香薰擴香石
聖誕裝飾2022｜溫暖窩居聖誕佈置5大靈感！低成本小空間都可以過儀式感White Christmas（附精緻小飾物推介）
聖誕禮物2022｜10款比香港平一大截名牌手袋推薦！Chloe Edith Pouch平$2,008／Coach Tabby平過千
