腦霧研究所｜ 沈殷怡、余逸思驚訝黃梓樂「溝女金句」了得 沈殷怡開心追問「係咪要娶我」

今晚(15日)《腦霧研究所》播出的第四集，請來小小年紀但拍劇經驗卻比Shirley和Yoshi豐富的Sean黃梓樂做嘉賓。來到挑戰場地書店，Sean未開始比賽就先來一場估歲數遊戲。Sean坦然以為Yoshi姐姐只有20歲，氹得Yoshi非常開心，但轉頭卻問Shirley和Yoshi誰年紀比較大，Shirley聽見立即大叫：「喂！呢個問題都要問？」Sean自知講錯說話，禁不住吐出「大鑊喇」3個字，連導演也急忙說：「我哋都係開始遊戲。」所以無論大人和細路，切記在女人面前不要提年紀和歲數才是王道。

第一回合3人要在限時之內記住6個書架內的書名和排序，之後再將從中抽出的5本書放回正確位置。面對幾百本排序沒有特定方式的書籍，加上分類又特別過人，什麼「無用之用」、「寂靜的春天」、「酒吧話題」等等，就連學霸Shirley也說：「返屋企應該會發夢畀書食，追住嚟跑！」Sean就更慘，大聲表示：「嘩，好多字我都唔明呀！」當他拿著一本《房間裡的大象》時更充滿疑惑地問：「會唔會係酒吧話題呢？」Yoshi聽見也不禁說：「佢都未入過酒吧，都唔知大家會講啲咩話題。」

而在比賽期間，Sean不時拋出「溝女語錄」，先對Yoshi說：「人哋就拋波，我就拋(proud) of you。」Yoshi聽後驚嘆「大個不得了呀！」之後再對Shirley說：「唐三藏佢係取經，我係娶你。」還加多句：「對唔住呀！各位Shirley嘅男fans！」引得Yoshi哈哈大笑。比賽過後Shirley隨即捉住Sean問：「係咪要娶我呀？」嚇得Sean即時耍手擰頭。