雅虎香港新聞 臨時劫案專訪｜中佬求存之道：郭富城 任賢齊 林家棟炮製2024賀歲檔幽默驚喜
由郭富城、任賢齊、林家棟聯合主演的賀歲片《臨時劫案》，將會係今年本港三大賀歲片之一。跳脫以往「一班人圍埋嘻嘻哈哈」的賀歲片拍攝框架，今次《臨時劫案》戲橋大玩黑色幽默。新年流流三個中佬聯手打劫，所為何事？郭富城、任賢齊、林家棟早前接受she.com訪問，一齊分享電影故事之餘，向我們傾吐「中佬心聲」，大家做好心理準備未？
郭富城不領功：係導演、編劇嘅功勞
今次賀歲檔矚目電影《臨時劫案》，郭富城擔正主角，夥拍任賢齊、林家棟組成「打劫三人組」。戴上一副哨牙，飾演來自越南、身世背後有故事的悍匪梅藍天，單是放棄偶包的突破造型，已教人眼前一亮。據知這個造型是郭富城自己的心思。不過講到劇情與劇力，他就盛讚兩大幕後功臣：「本身電影骨幹喺阿斌 (陳偉斌) 寫嘅時候就已經喺度，加上導演 (麥啟光) 本身係一個開開心心嘅人，大家自然喺電影入面睇到佢帶畀我哋開心嘅氣息。」
任賢齊：疫情絕望 但想帶出希望
任賢齊在《臨時劫案》演出飾演的是經營老人院的慕容輝，性格膽小怕事。說起任賢齊，又提到打劫，不其然令人聯想到他在《樹大招風》中飾演的賊王葉國歡。訪問當中小齊透露自己拍攝時的想法：「慕容輝呢個角色，令我想起疫情時大家都遇到好多困難，各人都要面對工作、學習、 生活上嘅各種辛苦，於是將『將來會唔會好啲呢』呢個想法加入角色入面。」電影當中膽小怯懦的慕容輝，半推半就加入打劫三人組，會否在兄弟加持之下脫胎換骨？
林家棟真心講：少少驚 但係真心好想做「呢件事」
林家棟對電影的貢獻與熱情有目共睹，今年他主演的《命案》奪得電影評論學會「最佳電影」獎，在眾人心目中，他絕對是電影圈的一匹黑馬。曾任多部電影監制與編劇的他，坦言都想一嘗導演滋味，他說：「少少驚，但係想做嘅。」說時露出中佬少見的幸福感笑容。
家棟於《斷網》後再與郭富城合作，而今次《臨時劫案》他再夥拍任賢齊，二人繼《樹大招風》後再度合演。與兩位拍檔都曾經合作，家棟算是最熟知大家的拍攝風格與節奏，每次埋位，默契也是油然而生。家棟透露在電影拍攝期間，有時會刻意製造機會「碰撞」一番：「我哋呢次係喜劇，喺農曆年開心嘅時候上映。 因此拍攝時大家都會不停互相刻意碰撞，有時在現場也不用排練，刻意爆出來、睇下你點撞我、我點撞你，將更好嘅反應帶畀觀眾。」今次訪問入面「中佬2揀1」的問題，三位在訪問之前都未有過目，大家可以率先品評「中佬團隊」互相切磋，即時流露的反應是怎樣。
《臨時劫案》合作班底補白
訪問當中郭富成提到《臨時劫案》導演麥啟光與編劇之一的陳偉斌，二人都是電影的靈魂人物。
導演麥啟光，過往是《盲探》和《奪命金》等電影的執行導演，被業界稱為杜棋峯御用副導演。今次《臨時劫案》，是他自編自導的作品。麥導於一次分享創作靈感時提到這齣電影故事用心之處：「平時嘅警匪片或者英雄片，開頭都係一班人一齊行動，經過一場殺戮之後，最後剩返一兩個最強勁嘅人物決一死戰。今次《臨時劫案》入面，故事設定全部都係我哋身邊擦身而過嘅數人，例如的士司機、保姆車司機、整車師傅、警察等等。」麥導想將這些日常生活中撞口撞面的貼地的場面與人物，拼湊成一個不一樣的警匪故事。《臨時劫案》貼近生活的除了人物，還有熟悉的場景，電影其中一個最重要的打劫場口，便大陣仗地圍封整條廟街進行拍攝。
郭富城提到班底中的另一位聯合編劇陳偉斌，曾四度奪得香港電影評論學會最佳編劇，2022年憑《神探大戰》奪得香港電影金像獎最佳編劇，代表作包括《神探大戰》、《盲探》、《單身男女》、《毒戰》等。
《臨時劫案》劇照：
Producer: Sue Wai
Videographer: Ryan Hong and Vicky Au
Video editor: Yung Wu
Venue: GLASS CUBE
On Aaron
Makeup : Cindy Ng
Hair: Ian Wong from ii hair & nail
On 家棟:
Hair: 梁佇鳴Alex Leung@Salon Nova
Makeup: 黃宣尹 Esther Huang
On 小齊:
Markup :A.Yp
Hair: Seiko Sin@Hair Culture
更多相關文章：
Twins演唱會靚仔舞蹈員憑Charm爆笑容人氣急升！ 網民讚：靚仔過頂流 英皇快啲簽 阿Sa亦有上載合照
港女著瑜伽褲搭港鐵被阿伯望？網民質疑性騷擾 真身竟是選美冠軍 回應更出人意表！
