與關智斌感情冇淡 張敬軒:同佢有好多關係

東方日報
·2 分鐘文章
張敬軒與關智斌相知相交多年,地位未受動搖。
張敬軒與關智斌相知相交多年,地位未受動搖。

張敬軒昨日出席公開活動時,大方透露與好友關智斌感情依然不錯,未有因對方結識「新朋友」而生疏,地位不受動搖,並強調彼此在公在私都有聯繫。

張敬軒、倪晨曦及陳柏宇前晚出席理財活動,軒仔已很久未有公開亮相,他形容「恍如隔世」,今年會多加努力。問到關智斌傳有「新朋友」,他大方笑說:「早幾日我同佢先喺公司飯局見過。(識得佢『新歡』?)大家身邊都有咁多朋友,邊度識得晒?(同佢感情淡咗?)冇淡,我同佢有好多關係,公事上嘅同事,私人生活係出生入死嘅戰友,我哋呢排有傾電話,講吓今年嘅發展,同埋有新Label,睇吓點做多啲歌。」

與「遮遮」鬥長命

談到與家傭「遮遮」十足歡喜冤家,他搞笑說:「成日食粥同麵包,好似洗腸咁,不知幾乾淨。(佢知唔知你話佢?)我有同佢講,原本係禮貌嘅提醒,點知佢變本加厲,仲整爆個煲,我喺度諗,如果個煲有生命嘅話,佢會同我講『我走先喇,你慢慢捱啦!』(你哋關係點?)鬥長命!不過佢有啲優點我係冇講嘅,例如佢清潔好乾淨,我會畀120分。」

至於倪晨曦產後成功收身,但尚有4、5磅「仍需努力」,談到BB,她甜笑說:「佢夠3個月,主動戒咗夜奶,依家一覺瞓天光。」又直認出門工作會心掛掛:「好似有日拍廣告拍足1日,我不停喺化妝間開Cam睇佢。(追多個?)休息2年先。」

此外,無綫與3大唱片公司破冰,身為Sony Music旗下歌手的陳柏宇說:「我未至於有『等到呢一日』嘅感覺,我一直有上TVB節目,只係冇去頒獎禮啫!反而我啲師弟、師妹從未去過無綫頒獎禮,可能佢哋會覺得新鮮啲,我戥佢哋高興。(多個平台宣傳?)我冇好計較呢樣嘢,其實應該咁講,掉番轉頭星夢一班歌手都有啲頒獎禮去唔到,佢哋都好慘。」

倪晨曦已經很Fit,但仍想多減4、5磅。<br><br>
倪晨曦已經很Fit,但仍想多減4、5磅。