舒適堡｜灣仔店易名「Healthy」仍貼舊商業登記 職員稱不知新公司背景 申索途徑一覽｜Yahoo

【Yahoo 新聞報道】連鎖健身中心舒適堡突然暫停營業， 其灣仔分店易名為「Healthy」重開。《Yahoo 新聞》記者到該店視察，店內仍然貼上舒適堡的商業登記，周末下午有零星會員到舒適堡欲使用健身服務，部份對 Healthy 要求先簽署同意書感猶疑，更引述職員稱不知新公司背景。有律師看過同意書內容後指出，單單簽署同意書並不影響日後追討賠償，惟需留意 Healthy 會否事後要求再簽新合約，「有機會有啲新啲辣啲嘅條款」。

舒適堡位於灣仔京成大廈一樓的分店，日前易名「Healthy」重開。依記者在過去的週末所見，在接待處附近貼上的商業登記證，公司名稱仍為「舒適堡健身瑜伽中心」。稅務局回覆《Yahoo 新聞》時指，經營業務者需於業務開始經營起計一個月內辦理商業登記，並須將有效的商業登記證或分行登記證（登記證）展示於營業地點。如業務資料有所變更，經營業務的人士須於有關資料變更後的一個月內，通知稅務局商業登記署。在更新資料後，稅務局便會向有關人士發出經修訂後的登記證。但局方基於該法例中公事保密規定，不能透露個別業務的資料，亦不會評論個別個案。

《Yahoo 新聞》記者陪同受影響顧客王女士到灣仔分店，王 2022 年繳付二萬元會籍，預計於 2026 年到期。但她並無報警或向其他部門求助，「我見其他人都係好多錢，我就只係二萬，諗住兩蚊搭車過嚟做吓算」。王女士到接待處了解申請程序，職員遂遞上同意書並稱：「登記就可以將個會籍轉過嚟新公司呢度， 得到你哋嘅同意先可以睇返你哋嘅資料」。期間職員並無講解條款，只稱填寫同意書後就會獲得同意書影印本， 攜同此影印本便可使用健身服務。

無桑拿僅得暖水 問職員新公司背景：我哋都唔知

陳先生約四年前也繳付了兩萬元，購入永久會籍，同樣到灣仔分店填寫 Healthy 申請表，形容情況「不明朗但無辦法」，「我對於佢個條款有啲 question 喺度，如果佢哋有咩更改我哋都要遵守，大哥更改係啲咩我哋唔知，就可能有啲 hidden agenda」。他簽同意書前向職員查詢新公司背景，對方稱「我哋都唔知」。他批評舒適堡老闆做法不當，「應該要有良心對返自己嘅 staff，臨執笠都要人（員工）sell（會籍），苦咗班員工又苦咗班 member。」

陳續指，在灣仔分店健身時並無背景音樂，僅得電視，桑拿也不開放。對於網傳浴室無熱水供應，陳稱水確實不夠熱，「試過都有啲暖水」。雖然他因遺失單據而未向有關部門求助，但他指「我都會考慮呢個 step」。

張先生三年前繳付 9000 元會籍，會籍長 5 年，將於 2026 年到期。他早前到場填寫同意書健身，對於會否擔心簽了同意書會影響追討，張指「得嗰幾千蚊就由佢，呢啲都係自己個人諗法，做返一兩年我都翻本，其他人就唔知喇」。

對於現階段簽署「Healthy」同意書會否影響索賠或追討責任等，律師文浩正接受《Yahoo 新聞》電話訪問時形容，該份文件屬於「申請表」，「即係你去搵 Healthy，睇吓佢肯唔肯接咗舒適堡淨返嗰啲嘢」，申請表內不少字眼如「Healthy 可適時修訂」、「這不是邀約（This is not an offer）」、「Healthy 沒有向本人提供取代 Physical 剩餘服務」等字眼，均反映「你唔好諗住簽咗呢份嘢，佢就一定會畀你，我唔係一定會接晒舒適堡啲嘢嘅」，形容 Healthy 此舉用作與舒適堡畫清界線，亦未明確列明接受每一個申請。

律師：未簽新合約 不影響追討

文浩正估計，客戶填寫申請表後，有機會獲得新合約，需重新簽署，「嗰啲條件就係一個新嘅條件，又有機會有啲新啲辣啲嘅條款......例如唔好再追究舒適堡之類」，提醒顧客屆時需要留意新條款。由於顧客尚未正式與「Healthy」簽訂新合約，故暫不影響顧客追討賠償。他續稱，執法部門僅關注舒適堡有無涉及不良銷售手法或詐騙意圖，市民若希望現階段提出索償，可考慮入稟小額錢債審裁處或更高級法院。

市民申訴渠道

政府部門及機構

1. 海關 – 主要關注不良銷售手法

2. 警方 – 主要調查是否涉及詐騙意圖

3. 消委會– 並非執法機構，沒有調查或裁決的權力，通常以調停方式處理投訴人和商戶之間的糾紛

入稟索償途徑

1. 小額錢債審裁處：金額不超過7.5萬元

2. 區域法院：7.5萬元至30萬元

3. 高等法院：30萬元以上

資料來源：律師文浩正、消委會

消委會：毋須急於簽署同意書

《Yahoo 新聞》向消委會查詢簽署同意書後消費者權益事宜，消委會覆稱，現時所見該份「同意書」的條款細節並不清晰，包括未有註明營運「Healthy」的公司名稱，令消費者未能掌握營運商的背景，加上根據該份同意書，「Healthy 對教練及課堂的日期/時間安排有最終決定權」，亦指出「沒有向［消費者］提供取代［舒適堡］剩餘服務的義務」，意味消費者最終未必一定會享有原有服務或服務水平。既然舒適堡方沒有為轉換手續設下期限，消委會建議消費者不用急於簽署，可再觀察一段時間，待商戶提供更多資訊再作出知情選擇。