英國疫情逐退 防疫措施解禁 旅遊訂單大增5倍!
英國至今有最少2千多萬人已注射疫苗,隨住疫情開始減溫,政府亦陸續恢復學校正常開學,政府等辦公室都正常啟用。首相Boris Johnson就話大家係時候準備迎接正常生活咁話,唔單止餐廳等行業出現大反彈,同時間旅行社都係極為火爆!
接近一年多禁外遊之下,英國人同香港人都一樣極度渴望出走,英國最大旅行社之一Thomas Cook就指出,旅遊訂單已經接到爆晒,比平時同時期大增5倍!大多數目的地都係希臘、塞浦路斯等,甚至南美嘅墨西哥及加勒比海。目前大多數人預訂都係8月暑期期間嘅機票及酒店,另外亦有唔少人預訂年尾聖誕節長假,相信大家都對疫苗非常有信心,深信呢幾個月內全球疫情得以消退,旅遊回復正常。不過目前大家都只係預訂,畢竟英國政府講明要觀察國際疫情情況及疫苗實施進程,最快都要5月17日先會考慮係咪取消國際旅行禁令;旅行社亦非常小心,表明目前預訂嘅行程都可以免費取消呢。
按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!
相關文章: