荃灣豬肉佬威威被「粉絲」IG公開追數揭生日會疑做假?經理人文哥被爆已離職

荃灣豬肉佬威威被「粉絲」IG公開追數揭生日會疑做假?經理人文哥被爆已離職
荃灣豬肉佬威威被「粉絲」IG公開追數揭生日會疑做假?經理人文哥被爆已離職

荃灣豬肉佬劉宋威(威威)今年5月因貌似AK@MIRROR而爆紅,不但有粉絲為佢開設應援群組「荃灣鮮肉威威應援團」,威威仲開埋YouTube頻道及接拍廣告,6月份更有逾百粉絲出席商場活動為威威慶祝35歲生日,威威當時仲感動落淚。不過自疑似威威舊照和黑歷史流出,之後除口罩揭真面目後,人氣急劇下跌,其專頁及應援群組自上月15日就無再更新,星途僅57日玩完。近日,威威仲被公開追數,指生日會仍未收到應有嘅人工。

有網民於威威社交平台最後帖文下留言:「上次你哋藝人生日會戈(嗰)度公關公司仲未出糧。再問又吾(唔)覆,你哋公司可否正式下(吓),我哋真係又身水身汗去左(咗)會場,實行左(咗)通告兩小時的工作,但現在追討無門。」 另外,又於回覆其他網民留言時指,曾經以WhatsApp追數,卻被已讀不回,表示無晒辦法下只有留言:「你哋如果知道公司邊個出糧可否幫我問吓」唔少網民都覺得啲錢凍過水,但又有網民幫口留言叫威威還錢。

對於威威被追數一事,有傳媒聯絡有份幫手搞威威生日會嘅公關公司人員,該公關表示公司只負責枱面嘢,例如活動流程、新聞稿及見記者,又只係為商場搞活動,其他事需向威威查詢。傳媒又再發訊息至威威經理人文哥,惟「經理人」文哥已離職。

「荃灣豬肉檔AK」劉宋威(阿威)
「荃灣豬肉檔AK」劉宋威(阿威)
網民IG留言
網民IG留言
「荃灣豬肉檔AK」劉宋威(阿威)
「荃灣豬肉檔AK」劉宋威(阿威)
「荃灣豬肉檔AK」劉宋威(阿威)
「荃灣豬肉檔AK」劉宋威(阿威)
「荃灣豬肉檔AK」劉宋威(阿威)
「荃灣豬肉檔AK」劉宋威(阿威)

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!