菊梓喬初戀遇賤男:攞晒我啲錢!

東方日報
·1 分鐘文章

「星夢一姐」菊梓喬(Hana)日前接受車淑梅電台節目訪問,透露10多歲時戀愛大過天,可惜初戀遇「世紀賤男」:「佢好多女朋友,郁手郁腳,攞晒我啲返工錢,所有節日都唔陪我。」拍拖3、4年最後分手,她被提醒不能將所有夢放在一個人身上,才發憤創造自己的事業。雖然有過不快經歷,但她坦言仍期待愛情,覺得一生要嫁一次才算完美人生:「就算之後離婚,話晒都結過,當然我希望一生一世!父母嘅破裂婚姻未有影響我,又唔係嫁畀我爸爸……有信心將來可以搵到個高山低谷都可以陪住自己嘅人。」她又笑言理想老公類型是高富帥。

提到無綫改革音樂節目,星夢歌手前途受關注,Hana認同公司會大變動,但與無綫仍有幾年約,不擔心事業發展,亦有玄學家指其真名「陳曉怡」旺事業運,所以希望有天可如王菲一樣用回真名發展,另外,她表示與前唱片公司高層何哲圖每日有電話聯絡,對方叫她安心工作。