葡萄友：嚴父唔准囡囡入行的4個理由

歌壇天后彭羚自從係98年同林海峰Jan結婚，生咗兩個女後就淡出樂壇，咁多年嚟只係12年時為黃偉文嘅作品集演唱會中畀面獻唱，雖然唔少歌迷都希望佢復出，但佢就繼續相夫教女。 據指佢地17歲嘅大女林泳就品學兼優仲好有唱歌天份，最近兩大唱片公司就因此有意簽佢地入行，不過就立即被Jan落閘拒絕，就想諗住搵埋Jan家姐林珊珊都無符，因為Jan性格係堅定係咁就係咁，仲叫大家唔使諗。

其實有唔少藝人都想盡辦法想帶自己嘅仔女入行，雖然未必個個都成功或者紅得起，但至少滿足唔知係父母定係仔女嘅夢想。相反Jan咁反對個女入行，係慈父出於保護家人嘅心態，加上大概佢都深明以下嘅幾個原因。

清靜生活

由踏足娛樂圈一刻開始，就等如同清靜、平淡嘅生活講再見。無論係行街買嘢定係出街食飯等大大小小嘅事都無哂私人空間，一切都呈現於人前仲要畀人評頭品足，呢股壓力唔係絕係輕鬆。

遠離染缸

娛圈看似風光，但相信背後嘅利益和人事關係都相當複雜同黑暗，而且係呢個大花筒嘅世界入面，亦都好容易被各式各樣嘅人同事感染，遠離佢可能先係明智之選。

不愁生活

Jan百足咁多爪有多個身份好似DJ、主持、歌手、 演員、平面設計師等涉及多個範籌，每次開talk show都非常受歡迎同爆滿。自彭羚淡出之後，佢一個擔起成頭家，無需要家人再拋頭露面。

學業為重

既然自己個女咁生性而且仲咁細個，首要當然係讀好書砌靚個profile，大把方向可以選擇，如果到時真係有意思入娛樂圈，先至再慢慢決定啦。

相片來源：my903.com 網上截圖