葡萄友：女尊男卑唔易維繫 能夠走下去的4個主因

5年絕對唔係一段短嘅時間，好似容祖兒同劉浩龍係12年年中被揭二人嘅感情後，拍拖都成5年。起初兩人嘅發展大家都唔睇好，始終佢地嘅名氣、收入同係娛樂圈嘅地位都相差好遠，最初祖兒媽媽亦唔接受，認為阿囡可以搵個更好，甚至連祖兒老闆楊受成都試過出言嘲諷，話劉浩龍魯莽好笨之餘、仲揶揄佢有其他目的。事至今日，雙方都唔再好似以前咁收收埋埋，經常一齊出動食飯，平嘢貴嘢都食，而且仲畀觀眾發現原來劉龍幾鍾意share，係咁攞相機出嚟影下嘢食添。面對坊間咁多壓力，女尊男卑又能夠維持嘅背後到底係咩呢？

真心喜歡
女仔都係以愛為生嘅動物，無論表面上係一個女強人抑或普通女仔，都需要愛同關懷，而且遇到一個大家都真心喜歡、幾夾同願意拎個心出黎嘅伴侶時，就唔會理其他野，係二人世界入面一樣開心。

懶理數字
兩者嘅搵銀能力如果差咁遠，難免會成日被用嚟比較。不過而家男女漸趨平等，好多女性係呢方面都愈來愈開放，唔介意數字，而且仲會諗始終自己搵得到，好過兩個人一齊都搵唔到。

互畀面子
兩個人相處最重要係識得互相尊重，假若一開始發展時已經知道雙方嘅差距又好介意的話就不如唔好開始，決定咗就堅持落去，而且仲要係適當嘅時候畀面子同機會男方，好似埋單或者做啲決定等等。

付託終身
付託終身女性年紀漸長時，著眼點唔一定全部都係錢，而係一個可以付託終身嘅人，好似係性格上會係好和善、有責任心、有愛心、識得照顧人、專一等等，呢啲條件係多多錢都買唔到返嚟。

相片來源：lauholungwilfred ，yungchoyee ＠IG