葡萄友：婚後唔習慣 新婚夫妻悔婚的5個瞬間

馮德倫同舒淇結婚啱啱4個月，新婚夫婦理應都仲係非常甜蜜恩愛，但尋日就突然間係IG出post，仲寫「人與人之間的相處不是寵出來的，而是讓出來的⋯⋯但退讓總是會有極限的！」寫到咁明咁出面，唔通發生咩事？但係過咗無幾耐，舒淇又再補多個post，今次就相對溫柔得多，就話「知常容，容乃公⋯⋯能歷久不衰才能明哲保身。」態度轉變得咁大咁快，令人懷疑佢哋兩個係咪發生咗問題定只係新婚耍下花槍。

其實有唔少夫妻結咗婚之後，去到另一個階段反而唔習慣同適應，覺得唔結之前好似比而家仲好，你又覺得係咪？

日對夜對
結咗婚之後自然會住埋一齊，基本上除咗返工之外，由朝到晚都日對夜對，對得多都有點悶之餘，仲可能會無咗以前嘅私人空間同時間，令人覺得唔習慣。

唔出得夜街
未結婚嘅時候人就自由得多，出街食飯飲嘢夜咗都唔怕。婚後如果是但一個夜咗返屋企，一定會受面色然後再畀人問長問短。

甜蜜到無朋友
新婚時間應該係好甜蜜嘅，而夫婦身邊嘅朋友都一定會咁樣諗，唔好意思約出嚟費事做電燈膽，但其實結婚後都有需要見下朋友，甚至係呻下結後生活嘅落差。

要求提高
婚後對另一半嘅要求少不免會提高，認為好多嘢雙方都有責任要負番，好似係照顧雙方家人、供樓、畀家用等等，唔再可以好似以前咁求其一句推咗過去就算數。

要唔要小朋友
生唔生小朋友絕對係夫婦之間嘅一大難題，如果一開初有共識的話自然係好，不過慢慢會見到其他人嘅美滿家庭之後，少不免就會有爭扎，但亦都要考慮之後更多嘅問題例如點樣教、錢夠唔夠、仲有無二人世界等，都有排拗。

相片來源：網上圖片