葡萄友：想娶我個女？要有供斷嘅樓 婚後支出全由老公支付

情人節終於過咗，各位情侣尤其男士可以舒一口氣啦！其實作為男士，除咗安排情人節，加平日各種節日驚喜之外，再令人頭痕，一定要講到結婚喇。好多時候，就算男士樂意同心愛嘅女人結婚，但奈何種種婚姻上嘅傳統，加上女方父母各種要求，真係叫人大喊一聲：「誰人迫我，屈我辱我？」

最近台灣有一討論區，就有位樓主講述自己如何被女友父母以滿足4大條件留難。當中包括「大小禮金共135萬台幣（約34萬港幣）」、「婚後必須住一間已供斷嘅屋」、「婚後男方要負責所有支出，包括衣食住行、買房買車、將來仔女教育等」、「婚後老婆有工作的話，不會從事任何家務；如需請假照顧小孩，老公要支付最低工資」如此魔鬼一樣嘅四大條件，令網友頻呼恐怖，最係結局係點？咪樓主遲遲唔敢提親，最後女方提出分手囉。分手後據樓主形容當下心情「傷心卻又覺得輕鬆」。喺中國人社人社會，結婚從來唔係兩個人之間嘅事咁簡單，不過有時作為父母，又未免太過進逼，變到「賣女」一樣，又何苦呢？有時作為女方嘅你，都要適時企返喺自未來老公嗰邊，可以做為協調人架。

平日要降低父母期望

作為女嘅你，拍拖之時知道男友咩背景，就好打到底，不時向父母講下男方有幾錫你，但就唔會豪娶你囉，令你父母起碼唔會幻想男家係咩達官貴人會用幾高規格迎娶你，更莫講話提出幾十萬禮金呢種要求喇。

安撫男友，甚至暗中幫手

體貼嘅好伴侣，當然唔可以畀男方獨自承受，一定要畀男方知你係企佢嗰邊，萬一自己父母提出無理要求，請要安撫男友，表明自己心跡，必要時甚至講話自己可以幫手，男方一定深受感動！

動之以情

做女婿嘅從來只有真心誠意可以打動外父外母（好似係），不妨直接叫男友坐低同父母商量，如實講出自己嘅難處，動之以情；如果唔Work可以調轉動之以利，就係叫男友諗到一系列將來嘅資金安排，畀父母知道啲錢日後會作投資改善生活之用。