葡萄友：活得比你好定係扮慘好？ 分手後的4個傷痛舉動

舊年同Stephy結束十年情嘅方力申，感情方面似乎一啲都無停落嚟喎，先有同賭王千金何超蓮同Model張沛樂傳過緋聞，而最近小方仲好似識咗個大陸嘅新歡喎。有網民就影到小方同一個女仔於酒吧飲酒談心，仲要繑住手舉哂杯咁影相，原來呢個女仔係小方嘅忠實fans，經常都會係堔圳黎香港追星追小方，仲一定會走埋去身邊合照，就連佢嘅IG頭像都係同小方合照而且仲有唔少小方嘅相，十分死忠。但最耐人尋味嘅係眾多合照中都係公開活動時影嘅，但就偏偏無網民所指嘅兩張相，而小方則話個女仔「just a fan」。

分手後好多時都可以睇到更多嘢，有啲人好似小方咁一副活得比以前好的樣子，亦有人剛剛相反，營造一個比較慘情嘅狀況，唔知搏咩咁，佢地有時仲會做呢幾樣：

貼感性相

喺網上抒發好多時都係一個表達自己嘅方法，而分開後嘅都鍾意放啲好感性嘅相(例如黑白相)同打啲好似好深奧或者人生大道理之類嘅說話，然後換嚟可能係好多句「你無事丫嗎?」

營造可憐形象

分手的確係件傷心事，但係有啲人總係一副頹樣或者死老豆咁款，經常不修邊幅 ，唔再理自己嘅形象，令到身邊嘅人都不其然覺得你係受傷同比較慘嘅一個。

推搪聚會

分開後朋友自然會特別緊張同關心你，希望令你振作，朋友都會好主動咁約出去玩或者介紹新朋友你識(尤其係異性)，想幫你儘快走出陰影。但有人就總會推搪，仲話唔好理我，想一個人靜下等等。

提起往事

成日話往事只能回味，但分手後嘅人唔知係真長情定假長情，總係有意無意咁講番以前嘅開心或唔開心事，然後一副痛心或愁眉深鎖咁嘅樣，真係睇得多都覺得煩。

相片來源：alexfongliksun ＠ig