葡萄友：點樣生活可以好過點？5個尊重老婆嘅行為

情人節尋日啱啱過咗，望到街上同埋網上咁多花同埋放閃嘅相，唔戴番副黑超真係頂唔順。無論你有無情人都好，尋日情人節最出位嘅一定就係金鐘站扮Ironman企定定送花畀女朋友嘅個位男士。正係個個都驚嘆咁有心思、咁浮誇、你型哂嘅時候，呢個男人好快就被起底。原來佢係Paul Ho，係黃夏蕙嘅契仔，已婚20年並任職設計師，有間搞活動嘅公司之餘平日亦鍾意玩下cosplay，而收花嗰個女仔就係佢嘅一個cosplay拍檔，成件事都只係搞宣傳同呃下like，而且已經送咗花畀老婆同備咗案。不過，即係話原來佢有老婆但都依然係情人節搞咁大排場送花畀另一個女仔，就算話係宣傳（唔知係真定假），似乎都唔應該啦。

呢個仁兄喺事前都有問准同備案，都叫識得尊重老婆，仲有無其他嘅行為算得上係尊重老婆呢？

聽話

男士們成日都想搵個聽聽話話嘅老婆，但最後成件事都係掉轉咗，老婆叫你去邊就去邊，無反抗嘅空間。不過又唔使覺得自卑嘅，好似甄子丹係《葉問》都話「唔係怕老婆，係尊重老婆」 。

唔會搞三搞四

從一而終係最基本亦都係最重要，同樣地你都唔想你另一半背住你出去亂搞關係咪先？但好似扮Ironman嘅Paul咁，就好似喺到玩命咁囉。

每月奉獻

到咗每個月月頭出糧嘅時候，第一件事當然就係上繳畀家用老婆啦，應付屋企日常開支麻。雖然無人知係邊個開咗呢條例先，但又有無人敢反抗話唔畀？

畀面老婆

無論係自己或者老婆嘅朋友面前都係你加同表演嘅時候，例如拖實佢唔好畀人撞到、幫佢夾餸等好簡單又易做嘅嘢，總之就好關懷同照顧佢(當然平日都要做)，但有其他人見到時老婆大人自然會特別覺得有面子。

問佢意見

事無大小無論做咩之前都要問下佢嘅意見，就會覺得被重視而且你好著緊佢嘅感受，就算你一開始已經諗住堅持己見，都要講定先打定個底點都好少少嘅。

相片來源：網上圖片