薛影儀代言虛擬戀愛遊戲 宣傳活動抱B動作惹爭議：BB個樣想喊咁

前「亞視一姐」薛影儀（阿儀）與經理人林寶玉鬧翻及被公司AMM終止合約後，現已回復自由身。阿儀曾透露想轉型做主播，雖然暫時未有成事，但最近就與香港本土手機遊戲公司代言合作，共同推出最新虛擬戀愛遊戲《阿儀-我的AI女友》，該遊戲結合人工智能技術，為玩家提供與虛擬角色AI阿儀互動嘅機會；阿儀又會參與遊戲宣傳活動、廣告拍攝和社交媒體宣傳。

日前阿儀到深水埗出席活動，分別以旗袍和古裝造型示人以宣傳手機遊戲；事後，阿儀將活動花絮照上載至社交平台。其中一張為阿儀抱住粉絲BB嘅照片，不過阿儀抱B嘅姿勢就惹起爭議，網民紛紛表示阿儀抱BB嘅動作錯晒，個BB畀佢抱到就嚟跌咁，阿儀其中一隻手更疑似扭住BB隻腳，令BB個樣都好驚咁；網民又指點解BB媽媽仲可以企喺旁邊傻笑：「啲手法錯哂」、「唔識抱就放低個bb啦，抱嘅姿勢都唔啱」、「係咪彈緊結他」、「希望冇童年陰影」、「BB隻腳就快扭斷」、「阿儀你拎到好似劏雞咁」、「個b好慘，比你拎到下墮」、「究竟個媽媽嘅病情係有幾嚴重先夠膽俾你抱住個B」、「睇吓個BB個樣搞到佢好想喊咁」、「唔好搞到個小朋友有心理陰影啊」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！