蘇皓兒Heidi大飽眼福 Anson Lo裝胸反串晒腳毛

人氣男團MIRROR成員Anson Lo首次拍戲即豁出去，拋開偶像包袱反串扮女仔，更要「裝胸」兼着高踭鞋，完全不理「教主」形象，兩位女拍檔Heidi及蘇皓兒即大讚專業！

Anson Lo、蘇皓兒（Chloe）及李靜儀（Heidi）主演的電影《假冒女團》將上映，Anson飾演特務，為查案而混入女團比賽。3人首次合作，Anson自爆首次見到Heidi時好驚：「佢打側手翻pick up得好快，同埋佢唔笑個樣好有距離感。」不過相處後火速打破隔膜，Heidi更笑言會被他們整蠱。

講到首次拍戲即擔正，Anson直言有壓力，但多謝監製黃永峯的賞識：「一開始監製搵我，我都講笑話真係搵我？我冇乜做戲經驗，好多謝佢畀機會新人。」今次他更大犧牲反串演出，首次扮女仔的他笑說：「着衫要着幾個layer，化妝仲濃妝過大家，感受到女藝人嘅辛苦。」拍攝當時天氣熱，他要「裝胸」，因而大汗焗到心口敏感，而除了穿裙及高踭鞋，為了劇情還刻意不剃腳毛，他笑說：「係好大嘅突破，用咗浮誇方法去演，暫時呢個係我最盡嘅底線。」

而面對Anson有大量「神徒」，問兩女合作時可有壓力？她們笑言不可以掂Anson，其後Heidi才認真說：「都係專業工作，不過我哋就大飽眼福，有一場幾精彩！」而Anson指女團與男團最大分別是女生需要較多時間化妝，但就不覺她們特別嘈，反而MIRROR在化妝室又打機又唱歌嘈得多。講到女團生活，Heidi難忘昔日保母車輪流送返屋企，自己永遠是最後一個。Chloe則笑說：「之前公司排舞室有部電視望實我哋一定要排舞同跑步，所以解散之後我冇再跑過。」

自爆近月壓力大

另外，忙不停的Anson在社交網自爆最近1個月壓力很大，既感恩又擔憂，感恩有機會去嘗試，但害怕表現令大家失望，長期處於「不放過自己」的狀態，但不忘為自己打氣，表示「有些事情你現在不做，一輩子都不會做了。」