衛蘭演唱會頭場變鍾舒漫信仰分享 歌迷求情︰不如你請病假啦

講十幾分鐘 衛蘭演唱會頭場變鍾舒漫信仰分享 歌迷求情︰不如你請病假啦
講十幾分鐘 衛蘭演唱會頭場變鍾舒漫信仰分享 歌迷求情︰不如你請病假啦

呢期好多歌手都趁場館重開搞show,歌迷餓show已久普遍都反應熱烈。一連三場嘅衛蘭紅館演唱會前晚展開,不過睇完第一場嘅觀眾似乎大受衝擊喎。

早年決志信基督教嘅Janice,喺演唱會上安排一班姊妹鍾舒漫、鍾舒祺、妹妹衛詩等一齊上台唱詩歌。唱完歌,Janice同姊妹Chit Chat,並且搵鍾舒漫做分享。Sherman話自己早幾年開始失聲,試過好多方法都冇用,到Janice開show搵佢地一齊合唱,排練時先至有返把聲。

講十幾分鐘 衛蘭演唱會頭場變鍾舒漫信仰分享 歌迷求情︰不如你請病假啦
講十幾分鐘 衛蘭演唱會頭場變鍾舒漫信仰分享 歌迷求情︰不如你請病假啦

聽落都係一個動人嘅經歷,不過有好多一心想聽歌嘅歌迷不滿鍾舒漫講足十幾分鐘。演唱會後有網民去Sherman IG留言,提議佢準備好先上台講嘢。Sherman就回覆話第一場有啲緊張同有情緒,「相信今晚會改善」。

講十幾分鐘 衛蘭演唱會頭場變鍾舒漫信仰分享 歌迷求情︰不如你請病假啦
講十幾分鐘 衛蘭演唱會頭場變鍾舒漫信仰分享 歌迷求情︰不如你請病假啦

見到呢句,即係似乎鍾舒漫會再喺其餘2場做分享,唔少歌迷都「好言相勸」,甚至抵死到叫Sherman「不如你今晚Sick Leave」!似乎入場觀眾都係想聽Janice唱多2首歌。然而亦有觀眾覺得分享環節好感動,聽到喊晒咁話。

根據網民所講,尋晚第2場已經冇咗「鍾舒漫信仰分享」呢個環節,但又有人話本來等睇鍾舒漫講嘢,點知冇咗,又話唔收貨。想點呀喂?!

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能