被批有仔埋身 戴祖儀:乜都要!

東方日報
·1 分鐘文章
戴祖儀(左起)、譚嘉儀、谷婭溦、菊梓喬、周柏豪、連詩雅及施匡翹齊齊拍攝賀年特輯。
戴祖儀(左起)、譚嘉儀、谷婭溦、菊梓喬、周柏豪、連詩雅及施匡翹齊齊拍攝賀年特輯。

日前歌手周柏豪、菊梓喬、連詩雅、譚嘉儀、戴祖儀、谷婭溦及big big channel小師妺施匡翹相約無綫娛樂新聞台主播赴青雲觀拍攝賀年特輯,柏豪稱因疫情未能四出拜年,但預6位數字派利是。

問到和陳家樂傳緋聞的連詩雅可有被親戚催婚?她說:「冇喎!屋企人好好,完全冇畀壓力我,亦唔心急。」菊梓喬就希望有拖拍:「人生除咗努力工作之外,愛情都好重要,好想有戀愛嘅感覺!」戴祖儀則笑說:「有師傅話牛年會遇到個人品好好、好有能力同才華嘅男仔,但係唔靚仔。(要唔要?)要,乜都要!」