被網民指同林作拍拖係一生遺憾!麥明詩:我唔後悔

·1 分鐘文章
被網民指同林作拍拖係一生遺憾!麥明詩:我唔後悔

10A港姐麥明詩(Louisa)同林作拍拖3年,分手後兩人不時隔空「開火」,林作更公開明踩麥明詩誇讚女友裕美。而尋日(25日)麥明詩晒出10年前喺劍橋大學讀法律嘅相,話回首往事,珍惜每次經歷同遇到嘅每一個人, 佢哋造就咗今日嘅我,並Tag住「noregrets(唔後悔)」、「人生有幾多個十年」。

不過重點係有網民留言:「同林作個傻仔扯上關係,係你一生嘅遺憾!」而麥明詩竟回覆話:「still something I don’t regret!(仍然係我唔後悔嘅事!)」隨即引發網民熱論「早走早着,遲啲瞓唔着」、「作仔唔係蠢仔,係衰格啲但幾叻計數,依家幾各有所得。」、「人一生好人壞人都要識吓,呢個人生嘅學習,唔係污點!」、亦有唔少人讚麥明詩回應好得體:「好大方得體嘅回答!」、「不說前度半句壞話,有家教,有修養!👏👏👏」、「重點係條友衰到咁貼地,明詩都冇呻半句,有風度!」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能