許鞍華搵女主角 貪馬賽「唔太靚」

馬賽的旗袍Look充滿60年代味道。
馬賽的旗袍Look充滿60年代味道。

導演許鞍華、洪金寶及袁和平日前受訪大談拍攝電影《七人樂隊》的點滴,該片由7個單元組成,許鞍華的單元搵了吳鎮宇及馬賽主演,談到鎮宇,她笑言欠了對方:「我次次搵親佢都係拍單元,但唔係特登㗎!」她指今次找他演正經八百的「校長」一角,竟因這個角色不太適合鎮宇,她說:「之前我搵佢拍過短片《我的路》演一個變性人,同佢嘅形象係好唔同,但咁樣先有個化學作用,今次演好嚴肅正經嘅校長角色,亦同鎮宇好有活力嘅形象唔同,佢去演會令角色冇咁沉悶,所以呢個角色非佢莫屬。」

至於女主角馬賽,許鞍華很老實地指全因對方「唔太靚」:「因為我拍60年代,我覺得佢好適合,好有60年代嘅味道,佢唔係標準靚樣,亦冇整容臉,加上佢嘅骨架細,着起旗袍會好好睇,所以就搵佢。」原本導演吳宇森有份拍攝該片,但因身體原因而告吹,對於電影今天上映,他都有特別拍攝短片祝賀。

許鞍華、洪金寶與袁和平大談拍攝的點滴。
許鞍華、洪金寶與袁和平大談拍攝的點滴。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能