【謝安琪家中失竊】明星外傭偷竊案 施念慈女傭疑畏罪跳樓 張栢芝損失60萬財物

【謝安琪家中失竊】明星外傭偷竊案 施念慈女傭疑畏罪跳樓 張栢芝損失60萬

謝安琪上星期喺屋企被印尼家傭偷去銀包內嘅6000蚊現金,事後女傭失蹤令Kay決定報警,後來警方喺上周末搵到女傭,佢被控盜竊並承認控罪,法官判被告即時監禁6星期。

翻查資料,過去都有好幾宗娛圈人士被外傭家中順手牽羊嘅案件,最激嗰宗仲搞出人命!

陳伶俐

【謝安琪家中失竊】明星外傭偷竊案 施念慈女傭疑畏罪跳樓 張栢芝損失60萬
【謝安琪家中失竊】明星外傭偷竊案 施念慈女傭疑畏罪跳樓 張栢芝損失60萬

1996年港姐陳伶俐同林敏驄離婚後,2012年改嫁家境富裕嘅劉頌銘,婚後二人住喺半山布力徑獨立屋。2016年,陳伶俐被家中男菲傭偷去總值36萬首飾,事後男傭將財物典當並將錢帶到澳門,但最終輸清光。男傭被捕後承認盜竊罪,判監16個月。陳伶俐後來尋回大部份首飾。

張栢芝

【謝安琪家中失竊】明星外傭偷竊案 施念慈女傭疑畏罪跳樓 張栢芝損失60萬
【謝安琪家中失竊】明星外傭偷竊案 施念慈女傭疑畏罪跳樓 張栢芝損失60萬

2016年6月,張栢芝的30歲印尼女傭完約後準備離港,栢芝的助手檢查女傭行李時,發現屬於栢芝嘅財物,包括首飾、名牌服飾等,合共值56萬。女傭被捕後作供承認因為栢芝成日唔喺屋企,而且財物隨處放,令佢抵唔住誘惑犯案。被告最終被判監18個月。

鄭敬基

【謝安琪家中失竊】明星外傭偷竊案 施念慈女傭疑畏罪跳樓 張栢芝損失60萬
【謝安琪家中失竊】明星外傭偷竊案 施念慈女傭疑畏罪跳樓 張栢芝損失60萬

已經移居加拿大嘅鄭敬基,本來請咗位外傭照顧年邁母親,2018年女傭中風,鄭敬基本來想喺對方個人物品中搵聯絡家人資料,點知因此發現女傭偷咗鄭敬基一家唔少首飾。鄭本來想息事寧人唔報警,但係外傭反咬話係被剋扣工資,結果都係要求警協助備案。更邪嘅係鄭敬基仲發現女傭收埋一把用紅布包住嘅木劍,一度以為多年來被人落降頭。

蔡一鳳

【謝安琪家中失竊】明星外傭偷竊案 施念慈女傭疑畏罪跳樓 張栢芝損失60萬
【謝安琪家中失竊】明星外傭偷竊案 施念慈女傭疑畏罪跳樓 張栢芝損失60萬

前亞視高層盛品儒嘅太太、富商蔡一鳳上年9月炒咗一個只係做咗2個禮拜但工作欠佳嘅菲傭,蔡一鳳檢查對方行李時發現自己嘅5卡寶石戒指,於是報警。蔡一鳳因為女傭唔認罪而要連續2日上庭,佢話告發女傭係想保障僱主權益,因為之前試過放生另一個家中偷嘢嘅女傭,點知對方竟然仲搵到新僱主!

施念慈

【謝安琪家中失竊】明星外傭偷竊案 施念慈女傭疑畏罪跳樓 張栢芝損失60萬
【謝安琪家中失竊】明星外傭偷竊案 施念慈女傭疑畏罪跳樓 張栢芝損失60萬

曾經活躍幕前嘅「港大校花」施念慈,2015年發現家中菲傭懷疑偷咗佢60萬首飾,仲拎去典當套現。施念慈揭發後本來想同女傭去當鋪贖回財物,殊不知女傭懷疑畏罪自殺,喺施念慈屋企跳樓身亡。