譚嘉儀攞獎爆喊 王君馨舞動咪咪

一度露出「腩仔」的譚嘉儀,領獎時哭成淚人。
一度露出「腩仔」的譚嘉儀,領獎時哭成淚人。

星夢歌手昨晚晒冷撐場,當中「一姐」菊梓喬、谷婭溦、施匡翹、譚嘉儀、JW及連詩雅齊齊騷Quali,不是低胸、露腰就是晒長腿!曾自認「冇料到」的菊梓喬突然胸口脹卜卜;向來上圍豐滿的譚嘉儀肚皮不爭氣,一度露出「士啤胎」!她上台領取「最佳演繹女歌星」時激動得掩面爆喊:「今年係我入行第10年,頭幾年冇乜機會唱歌,多謝喺我最迷茫時何哲圖帶我入星夢,幫我實現咗音樂夢想,上次唔記得多謝家人,好後悔,因為爸爸我先鍾意唱歌,希望佢喺天堂可以睇到我攞呢個獎。」

至於英皇女歌手鬥密實,泳兒、曾樂彤、李靖筠及艾妮全部着長袖衫。而以獨立歌手轉戰樂壇的王君馨打扮最騎呢,上身着背心,但胸前多塊珠片,襯超長褲管加外套,造型不倫不類!其後上台領獎,她脫去外套扭腰跳唱得獎歌,咪咪險「Big爆」而出!

王君馨大動作載歌載舞,非常動感!
王君馨大動作載歌載舞,非常動感!
連詩雅大騷招牌長腿,唔怕凍親。
連詩雅大騷招牌長腿,唔怕凍親。