《賭城群英會》叻哥欲哭無淚「神級」演技 有冇機會攞視帝?

image

無綫劇集《賭城群英會》中有唔少好戲之人,不過講到最「好戲」嘅一定係叻哥陳百祥。叻哥身為劇中主角,佢嘅戲份當然唔少,話說有場戲講述是旦哥(叻哥飾)唔知點解喺書房攞咗份癌症化驗報告去廁所睇,一睇就發現自己患上末期癌症,之後開始對住塊鏡幻想同十三妹(陳法蓉飾)表白。其實嗰種想愛不能愛嘅感情齋聽都覺得難演,不過有咩會難到叻哥架。相信好多藝員都會用喊爆方式去演繹呢一場戲,不過叻哥就選擇用欲哭無淚嘅方法。首先谷到塊面勁紅好似腦充血咁,之後個樣又唔知想笑定喊,聽到都覺得佢好戲啊。再加上個場景係廁所,立即令唔少觀眾聯想到佢便秘,去極都去唔到,谷得好辛苦咁。

睇完個場戲之後, 觀眾都笑住覺得叻哥嘅演技絕對可以攞今年視帝,甚至有觀眾覺得叻哥嘅戲好過影帝梁朝偉。對於觀眾嘅讚賞叻哥亦大方回應:「繼續睇落去就知我做得好,如果我要攞視帝實攞到,我唔攞之嘛!」。叻哥真係好戲又謙虛,留返啲機會俾其他人去攞視帝啊!