賭場大家姐曾小燕 重提當年選亞姐走光露毛

【星島日報報道】88年亞洲小姐亞軍曾小燕參選期間因被偷拍露毛照而名噪一時，淡出娛圈後她已定居澳門並成為賭場「大家姐」，最近小燕接受奇妙娛樂新聞訪問，重提當年不雅事件的心路歷程，她坦言：「當時真係接受唔到，好唔開心，喊咗好耐，連街都唔想去，因為唔知點面對大眾眼光！」 當年事件發生在旗袍環節，小燕稱：「著旗袍係要顯現身形美態，我唔想內褲摺痕令自己失色，所以真空上陣，點不知咁啱有陣風吹起件旗袍，又咁啱俾傳媒影咗相仲做埋雜誌封面，真係轟動一時！知名度係提高咗，但有邊個女仔希望用私隱去換取知名度，所以嗰段時間我真係好唔開心！」 猶幸小燕得到家人體諒，甚至後來接拍性感戲，家人都予以支持。小燕說：「條路係自己揀嘅，屋企人覺得我只要承擔到就得啦！況且嗰時影圈以拍性感戲為主，搵我拍嘅戲來來去去都係嗰啲，拍得多自己都覺得發揮唔大，最後選擇離開！係咪心灰意冷？絕對係啦！」 退出娛圈後，小燕返回澳門，未幾認識了前夫，拍拖1年即生下兒子Miko，為生計，她選擇從事賭場帳房工作。小燕說：「在賭場工作算係高薪厚職，做咗年幾，覺得自己在帳房要學的已學晒，咁啱公司覺得我可以勝任公關，所以就轉咗做公關！」 在賭場工作近廿年，小燕由低做起，現時主要打理貴賓廳，見盡「贏開巷」和「輸身家」的人，所以她從不沾賭。至於有否兼營「副業」？她笑道：「副業咪搏賭客畀小費囉，我都試過收10萬、20萬小費，要令賭客開心，就要知道『棹忌』，例如客人唔鍾意見梳，因為『梳』國語發音似『輸』，做公關就要識做囉！」

睇更多