趁你病攞你命 5個逗留倫敦希斯路機場小貼士

所謂趁你病攞你命，套落旅遊都一樣可行，邊到經濟差、錢水低，旅客們都會一湧而上。好似英國自從被判脫歐後，英鎊一直跌跌跌，倫敦機票愈來愈平，去嘅人愈來愈多。如果你黎緊暑假會去英國旅行，又會去希斯路機場，咁就啱曬你，外國傳媒教5個逗留希斯路機場的小貼士，等你玩得開心又放鬆，令你的旅程可以有個完美的開頭或者結尾。

1. 帶小朋友搭飛機

等轉機又或者飛機delay，帶住小朋友除咗可以自備玩具之外，如果你係機場買咗玩具，可以問吓職員可唔可以比個靜靜地的地方你玩，有時候佢地會比間休息室你，不過呢個方法唔係百發百中。如果你入唔到lounge，最好就係預先買定飛入兒童區，入面有放曬軟墊的遊樂場、電影放映同食物，啱曬帶住小朋友又唔知去邊hea好的你。

2. 伸展的空間

搭長途機又無錢坐頭等又怕壓到腳腫點算好？有員工就提議係起飛前搵個無咩人的位置，做吓瑜珈、伸展運動，哦，多謝曬喎。

3. 加快登機時間

科技進步，大部分的航空公司都可以預先下載登機證，務求加快登機速度，一張紙仔已經可以上機，而成個希斯路機場都有免費Wi-Fi，若果你未下載的話，都可以即刻下載返，勁方便又慳時間。

4. 搭早機無車去機場？

係倫敦搭早機又無通宵車，又唔想捱貴的士，當地員工就建議大家不如早一晚就係機場訓，反正機場都安全，又唔洗驚上唔到機。

5. 早啲訂有着數

來往倫敦市中心同希斯路機場最快的方法，一定係坐希斯路機場快線，不停站列車由柏靈頓站去2號同3號客運大樓都係15分鐘，而5號客運大樓就21分鐘，全程都有提供免費Wi-Fi同插頭叉電，提早訂飛都只係£5.50（約＄55港元）一程，仲抵過係香港搭。