《身邊總有段MK妹般的愛情》

我哋身邊總係會有一兩個朋友有住MK般嘅愛情，意思係三日唔埋兩日就鬧分手，閒時又喜歡一哭二鬧三上吊，仲會將兩個人嘅爭執擺上網畀大家睇。Facebook最常見到呢啲MK愛情，突然出個POST鬧另一半點點點，講到好絕，然後其他人就喺下面留言叫冷靜啲啦乜乜乜，最後？第日當事人已經好似飲咗忘情水咁咩都唔記得繼續bb豬啜啜啜啦。

我從來唔會喺呢啲Post下而留言表關懷，但我會攬住兩兜花生密切監視啲人留咩言，被鬧嘅另一半有無咩發表。呢啲Post雖然幾煩，但勝在花生指數極高。首先我絕對唔明白點解要喺網上公開鬧自己另一半，基於呢個家醜��出外傳嘅不則下，我係覺得兩個人嘅事就兩個人自己爭論，不過呢啲人總係想要搵第三四五六個人去幫自己評下理。

而站於當事人另一半嘅立場，我係覺得有個咁嘅另一半好丟臉又麻煩嘅。一個下下都鍾意網上批鬥你嘅另一半，真係好恐怖！同佢拍拖簡直要每日提心吊膽，以防自己做錯又變上網上賤人。不過我都見過好多情侶，甚至夫妻係會索性係網上開拖，直接攻擊對方，果然～你係咩人就會同番咩人一齊，你夠MK先可以識得到同等MK嘅另一半。