辭任毛記腦細 林日曦由廢青變億萬上市公司執董

·3 分鐘文章
辭任毛記腦細 林日曦由廢青變億萬上市公司執董
辭任毛記腦細 林日曦由廢青變億萬上市公司執董

網媒《100毛》嘅「腦細」、上市公司毛記葵涌創辦人之一林日曦尋日宣布離任。林日曦喺個人facebook專頁提到,自言「辭職」原因「怕悶、想有新轉變」、「不是患上絕症、不是打算移民、沒有反目成仇、沒有威逼利誘、沒有內部權鬥、沒有外人收購。」。根據公告,林日曦會將手上股份以折讓近9成嘅價錢(800萬)轉售俾另外2位創辦人陳強同阿Bu,另外將小部份股份贈予部份長期服務員工。

毛記葵涌現時市值近2億5千萬,有份創立嘅林日曦,曾經自稱係「垃圾學生」,會考得7分,後來喺商台透過創作創出一條路。

辭任毛記腦細 林日曦由廢青變億萬上市公司執董
辭任毛記腦細 林日曦由廢青變億萬上市公司執董

原名徐家豪嘅林日曦今年40歲,中學時期轉過幾次校,成績差唔在講,仲試過考試時瞓著覺俾副校長叫醒,嬲到走咗去。後來升學讀設計又覺得唔適合,於是輟學。失學失業一年後徐家豪入咗商台,本來係負責將節目廣告剪走再放上網,有一次向高層俞琤反映意見而被賞識,調任參與節目創作,再轉職到商台有份嘅「天比高創作伙伴」做創作總監。

喺商台期間又因為想學填詞而被林夕收為徒弟,由於林夕另一得意弟子林若寧都係「林」字輩,於是徐家豪用「林日曦」作為筆名至今。林日曦07年起發表作品,最為人熟悉嘅都係TVB劇集歌如《連續劇》(容祖兒)、《幼稚完》(林峯)等。

2009年,林日曦同2位商台同事陳強同阿Bu出版每期只係一張紙嘅《黑紙》雜誌,《黑》嘅風格大受年青人歡迎,2013年《黑紙》班底再創立周刊《100毛》,瘋狂二次創作嘅封面令雜誌銷量一度超過每期10萬本。2015年佢地再製作惡搞影片,並建立平台「毛記電視」,當中嘅節目《勁曲金曲》為多首歌曲「強行填詞」大受歡迎,更因此衍生出《第一屆十大勁曲金曲分獎典禮》。100毛/毛記亦開始擴展廣告、舞台演出、藝人管理等業務,2018年3月以「毛記葵涌」之名正式上市,林日曦出任執行董事。股價於掛牌首日曾經彈上$11.76,比招股價升8倍。

本來做幕後嘅林日曦自《100毛》爆紅之後開始多曝光於幕前,反而以前係DJ嘅陳強同阿Bu就退居幕後。林日曦更試過參與ViuTV《跟住矛盾去旅行》同蔣麗芸去韓國拍攝、主演talk show《林日曦細聲講》及舞台劇《大辭職日》、《大MK日》。

辭任毛記腦細 林日曦由廢青變億萬上市公司執董
辭任毛記腦細 林日曦由廢青變億萬上市公司執董

林日曦同獨立音樂人The Pancakes結婚11年,上年佢地結婚周年當日,林日曦罕有放閃出長文,原來佢同The Pancakes由相識到結婚前後只有幾個月,仲要係瞞住家人飛去關島註冊。而林日曦仲肉麻地寫道「我變心了……變得比十年前更愛你」!

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能