迪士尼女遊客攜子摘草 莫非現代神農嘗「迪」草?

【on.cc東網專訊】有網民近日在社交平台Facebook群組「我真係好鍾意迪士尼資訊分享」爆料,指香港迪士尼有女遊客攜同2名兒子到場摘草,疑似有女神農想嘗「迪」草,引起網民熱烈討論。

有關貼文在上周六(25日)發布,圖片顯示1名身穿花斑裙的中年女遊客,連同2名相信是其兒子的7、8歲孩童,在迪士尼一處大肆摘草,有網民揶揄為「探山藥煲湯」,奇怪行徑吸引大批網民留言,「佢哋真係當迪士尼嘅草有魔法?」、「嗰啲草係草藥?」、「喺迪士尼裏面摘草藥咁勇敢嘅!呢啲肯定噴晒農藥噴嘢,咁都摘?厲害!」紛紛對女遊客視「迪草」為寶的表現大感困惑。

同時部分網民亦關注園方為何放任遊客肆意破壞公園景觀,「點解冇人阻止佢哋,園入面啲園藝係有人設計㗎!破壞咗!可能令嗰一part(部分)要維修!好心連藥都冇錢執,就唔好去玩啦」、「迪士尼一草一木都係有人設計有人打理,唔係野草囉,點可以亂摘㗎,教壞小朋友,搞到小朋友有樣學樣」、「搞到秃咗一笪……好肉酸呀」反映園方或須於保安上加強巡視,以防同類事件發生。

【更多即時新聞詳情請上東網新聞