鄭中基出PO講奧運精彩旁述 網民起哄留言:一個波點先為之快?就係睇慢鏡都覺得快!

·3 分鐘文章
鄭中基
鄭中基

東京奧運進行得如火如荼,港隊至今獲得一金兩銀一銅,締造歷史性佳績。唔少市民都有收睇到奧運直播及精華片段去支持香港運動員,亦有好多藝人都有留意今屆奧運賽事,當中包括鄭中基(Ronald)。

今屆奧運香港嘅電視台都邀請咗唔少專業旁述和教練為賽事講解和分析,期間佢哋表現獲得大家關注。而鄭中基亦有留意,更喺今日下午於社交網站留言:「適逢奧運又嚟啦,大家肯定聽到好多「精彩」嘅旁述,我自己都聽唔少,聽到我肚都痛埋。。。笑到 唔啱你哋又貢獻吓」之後佢就寫下「開波嗰個就要決定個波去邊。」及「李慧詩跌咗落復活賽,佢一定好想復活!」呢兩句精彩嘅旁述,結果引起網民哄動,紛紛留言寫下聽過嘅「精彩」旁述。

鄭中基Facebook
鄭中基Facebook

部分網民留言:

1. 呢場比賽邊個領先,邊個就有優勢。(適用任何球類) 2. 邊隊入波先,會踢得舒服啲
1/場地單車賽打最後一圈鐘聲,旁述:「鐘聲響起歸家的訊號!」2/又係場地單車賽又係呢位旁述:「見到另一位荷蘭選手,佢都係荷蘭勁咁比賽」呢位旁述荷蘭勁呀!」
一個波點先為之快?就係睇慢鏡都覺得快!
個浪真係唔夠大 起碼要有d海嘯咁嘅浪先夠高
比賽得兩個結果, 一係輸一係贏
自由式游水比賽「睇佢每一下動作都係向前」
呢個殺波好暴力,根本唔講道理嘅
踩滑板對波鞋個特性要係平底
佢打到咁出力 一定好想贏
400米跑到中場受傷,無辦法架啦,一定係要用輪椅先可以最快離場
「呢位運動員,應該用咗好長時間去預備今次比賽!」(有邊個唔係?)
佢宜家穩守位置,係隊尾!
而家啲波快過今朝啲波少少
尋日聽過:「能力強嘅未必贏,但依家贏嘅都係能力強嘅」
嚟得奧運嘅應該係世界各地嘅頂尖球手」
聽得最多 攞到黎一分好重要 其實有邊一分係唔重要
我呢兩日聽到嘅“荷蘭車手荷蘭勁”@Viu“成功做出今年最佳時間”但明明比賽緊撐桿跳@TVB
一分一分咁追返上黎
贏就係贏,輸就係輸!
田徑運動員一起跑,佢地就向前衝去終點。

鄭中基
鄭中基
鄭中基
鄭中基
鄭中基
鄭中基
鄭中基
鄭中基

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能