醫生劇冇得輸?《星空下的仁醫》或成同類劇收視墊底之作

·4 分鐘文章
星空下的仁醫
星空下的仁醫

TVB台慶劇《星空下的仁醫》,由公開卡士到頭5集播放後,收視一直被寄以厚望,點知25集劇播放一半之後,成績仍然未如理想,平均直播收視只有約18.9點。雖然走勢穩步上揚,坊間口碑都唔錯,但除非最後十集收視爆升,否則好大機會平均唔過20點!

向來醫生劇都係TVB嘅最強殺著,以奇難雜症貫穿劇中人物多線發展,人情味同資訊兼並。《星空下的仁醫》質素上唔輸俾過往是但一套,不過好有可能成為打爛招牌,成為最低收視嘅一套。

妙手仁心

TVB醫生劇冇得輸?《星空下的仁醫》或成同類劇收視墊底之作
TVB醫生劇冇得輸?《星空下的仁醫》或成同類劇收視墊底之作

開拍前被稱為港版ER(《仁心仁術》),皆因好多急症室場面拍法同ER好相似。由以《壹號皇庭》起家嘅鄧特希操刀第一季,繼續營造《壹》嘅中產味,而且卡士有林保怡、吳啟華、蔡少芬、陳慧珊等,確實冇得輸,平均收視34點成為全年殿軍。後來鄧特希離開TVB,妙手仁心II及 III由《天與地》監製戚其義接手,演員大換血之餘風格亦都唔同晒,第2輯收視尚算保持水準(平均33點,全年第2),第3輯就跌至唔夠30點,全年25套新劇當中排20。

天涯俠醫

TVB醫生劇冇得輸?《星空下的仁醫》或成同類劇收視墊底之作
TVB醫生劇冇得輸?《星空下的仁醫》或成同類劇收視墊底之作

以無國界醫生工作為藍本,遠赴非州拍攝仲搵埋張家輝,睇牌面就知係台慶劇。但係觀眾唔多受落,條命同《星空下的仁醫》有少少似,平均27點嘅收視以當年計都唔算好睇。可能好多人都記得林峯首主題曲《心呼吸》嗰句「如深呼吸貼近天空愛的心」,多過劇情本身。

仁心解碼

TVB醫生劇冇得輸?《星空下的仁醫》或成同類劇收視墊底之作
TVB醫生劇冇得輸?《星空下的仁醫》或成同類劇收視墊底之作

雖則醫生劇有市場,不過唔係套套都當重頭劇咁拍。《仁心解碼》以醫院精神科做背景,男女主角係方中信同徐子珊。《仁》2008年拍完之後居然先賣埠,2011年先放喺賀年檔推出,明眼人都知TVB都不予厚望。但係居然平均收到29點,仲衍生埋續集《仁心解碼II》,更奇嘅係《仁心II》收視仲好過第一輯,打破晒電視台定律。

ON CALL 36小時

TVB醫生劇冇得輸?《星空下的仁醫》或成同類劇收視墊底之作
TVB醫生劇冇得輸?《星空下的仁醫》或成同類劇收視墊底之作

經歷《妙手III》嘅失手,TVB再搵一班上位中嘅男女藝員擔正,講述實習醫生生活。可能同類觀眾都餓呢類醫院劇,反應十分唔錯,收視係年度第一之外,仲成為「電視節目欣賞指數調查」前20位當中,TVB唯一一套入選劇集。不過見好即開嘅ON CALL II都係逃唔過「續集冇咁好睇」嘅定律,收視26點只算係合格。

實習天使

TVB醫生劇冇得輸?《星空下的仁醫》或成同類劇收視墊底之作
TVB醫生劇冇得輸?《星空下的仁醫》或成同類劇收視墊底之作

以往醫療劇多數將醫生當主角,《實習天使》就將主線交俾護士,選角就以新人為主。觀眾繼續唔多buy洪永城演戲,加上宣傳片一句「護士,喺社會上嘅地位唔高」影響觀感,結果平均收視得22點,成為全年9點半劇嘅包尾大幡。

白色強人

TVB醫生劇冇得輸?《星空下的仁醫》或成同類劇收視墊底之作
TVB醫生劇冇得輸?《星空下的仁醫》或成同類劇收視墊底之作

日本有《白色巨塔》,講行醫亦講醫療制度下嘅政治鬥爭,「啟發」TVB開拍《白色強人》。馬國明第10次做醫生,終於憑《白》贏到視帝;搵郭晉安演亦正亦邪嘅Dr Yeung亦係一絕。劇集推出時香港正值社會運動,居然無損收視,仲成為全年第2。《白色強人II》預計下年出街,會唔會鍊贏《星空下的仁醫》?

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能