重溫無綫劇集多重人格角色

多重人格角色不時喺無綫劇入面出現，今日就睇下有邊位令大家留下深刻印象嘅多重人格角色啦！

1.《三個女人一個「因」》方以因（黃智雯飾）

劇中黃智雯飾演有三重人格分裂嘅方以因，本身係專業、有自信、凡事要求完美嘅大律師。另一個係狂野、暴力、豪邁嘅Pina。最後一個係怕事又多愁善感嘅阿愁。黃智雯成功將三個人格都做得入型入格，獲得唔少網民贊賞。

2.《仁心解碼2》林頌恩（楊怡飾）

劇中楊怡飾演重案組探員林頌恩，唔止要做卧底舞女，另一人格竟然係佢親生爸爸蔣大軍（李家鼎飾）。

3.《古靈精探B》甘至峰（蕭正楠飾）

甘至峰飾演娛樂公司行政總裁，患有多重人格追求邢佩佩，同時又殺害沈丹、莊秀慧等模特兒。

4.《讀心神探》趙文海（陳展鵬飾）

趙文海本來係一名臥底，被指殺人而冤枉入獄，更於獄中遭受欺負，當受到委屈時，便會分裂出一個強大的人格黎文海。

5.《神探高倫布》高大喜（黎耀祥飾）

高大喜本來是個傻戇、性格單純、善良嘅人，因為一次槍擊事件，子彈射入佢個腦到，點知子彈碎片令佢腦細胞開始發生變異，智商變得愈來愈高，愈來愈聰明，之後變成智商283嘅探長「高倫布」。

6.《刑警》丁遠浩（鄧健泓飾）

丁遠號（鄧健泓飾）為人花心，經常花天酒地，導致月朋友Tracy自殺，死前挖下雙眼寄給丁遠浩。丁遠浩大受刺激下分裂出第二人格Tracy。自此丁遠浩每次嫖妓後就會變身Tracy殺害風塵女子，最終女方人格殺死男方人格。

7.《飛女正傳》梁巧芝（蔡少芬飾）

蔡少芬一人飾兩角(梁巧芝及Janet Bin)，梁巧芝係典型「港女」，挑剔、刻薄、高傲，一次意外死後重生，竟然激發潛能，只要同男人親嘴就變身成為高傲完美女超人Janet Bin，可以上天下海、為民除害。

8.《陀槍師姐IV》陳志聰（蔡康年飾）

陳志聰（蔡康年飾）從小被繼父虐待精神分裂殺人狂小不點，陳志聰平常係一個行動不便嘅人，但分裂成小不點後又一切回復正常。

9.《陀槍師姐》鮑國平（駱達華飾）

駱達華飾演的鮑國平係一個人格分裂症患者，平時係一個細膽怕事嘅鮑國平，可以分裂成為殺人唔眨眼嘅的士判官翁文成，專殺經杏出場嘅女人。

10.《雙面伊人》林靜（袁㓗瑩飾）

袁潔瑩就扮演有人格分裂嘅林靜，而另一人格就係意外死去嘅姊姊林寧。林靜優柔寡斷想愛而不敢愛，而林寧就敢愛敢恨，勇於追求。