金剛回應新動向 未獲曾志偉邀請 否認棄女友返港發展

·1 分鐘文章
金剛回應新動向 未獲曾志偉邀請 否認棄女友返港發展
金剛回應新動向 未獲曾志偉邀請 否認棄女友返港發展

金剛同台灣女朋友小嫻(黃瑜嫻)舊年8月大方認愛,二人每逢周未就會喺墾丁夜市擺檔賣雞翼,以情侶檔拍住上搵真銀,仲不時喺社交平台放閃。不過,早前有報導指金剛收到曾志偉嘅邀請,即將離開台灣返香港主持節目,更指金剛回覆將會以工作行先:「相信她(小嫻)也會體諒我的!」

對於金剛工作上嘅新動向,有台灣媒體向金剛求證,佢就否認相關傳聞,指暫時未收到任何邀請,而家同女朋友仲喺墾丁,自己亦準備拍攝喺墾丁取景嘅香港外景節目《小食豆》;仲解釋當初回應嘅原意係如果收到曾志偉邀請就會返香港,有工作就接,結果就被斷章取義。

金剛對返香港發展抱隨緣態度,做好隨時要同小嫻分隔兩地嘅打算,不過佢哋現時感情穩定,早前金剛發現肛門生有3厘米腫瘤需要做切割手術,小嫻出席保養品活動嗰陣表示:「我願意照顧他一輩子!」,可見二人幸福滿滿。被問到會唔會結婚,金剛就認為彼此都好珍惜大家,結婚只係儀式,珍惜當下比較重要。

金剛
金剛
金剛
金剛
金剛
金剛

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!