金球獎︳曾嫁入豪門 楊紫瓊拒做少奶奶離婚 現任男友大17年 初見面即場跪地示愛

剛獲得金球影后嘅楊紫瓊,演藝事業由香港起步,但同時亦因為同香港富豪後代潘迪生結婚而一度退出。離婚後的楊紫瓊的事業再次由香港出發,從此蜚聲國際,近年更加喺荷里活星運日隆,甚至有機會衝擊金像獎影后寶座!

22歲嘅楊紫瓊
22歲嘅楊紫瓊

生於馬來西亞嘅楊紫瓊,1983年參加大馬選美後獲邀到香港發展。曾受舞蹈訓練嘅楊紫瓊行「打女」路線,並獲當時冒起嘅得寶電影公司老闆潘迪生賞識。後來楊紫瓊同出身名門嘅潘迪生,由工作伙伴成為情侶,並於1988年結婚。

金球獎︳曾嫁入豪門 楊紫瓊拒做少奶奶離婚 現任男友初見面即場跪地示愛
金球獎︳曾嫁入豪門 楊紫瓊拒做少奶奶離婚 現任男友初見面即場跪地示愛

楊紫瓊於事業如日方中時嫁入豪門,並順從潘迪生意願而息影,專注家庭。但「少奶奶」生活對楊紫瓊而言並唔係外界想像咁爽,佢認為失去工作滿足感之餘,亦唔習慣要依賴丈夫生活。多年後楊紫瓊喺訪問承認,相夫教子唔係自己嘅「真身」。由於價值觀唔同,楊紫瓊同潘迪生最終喺1992年離婚。

離婚後楊紫瓊接拍成龍嘅《警察故事3超級警察》復出,到1997年獲邀前往荷里活發展,接拍《新鐵金剛之明日帝國》,成為首位亞裔邦女郎。

有傳楊紫瓊曾經同美籍醫生男友Alan結婚,但最終分手收場,原因據聞係Alan同樣希望楊紫瓊離開影壇,而楊未能放下演藝事業,只好選擇各行各路。後來楊紫瓊喺一個晚宴上認識比自已年長16歲嘅前法拉利車廠總裁Jean Todt,楊憶述當晚同Jean相識冇耐,對方就跪地不愛,搞到好尷尬。之後Jean再同楊紫瓊交換聯絡,亦強調可以慢慢發展,令楊留下深刻印象。多次見面後決定交往,而Jean亦十分支持楊紫瓊有自己事業,至今拍拖16年仍然十分恩愛。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!