鍾嘉欣遭欺凌 「笑笑口」迎擊

鍾嘉欣要「笑笑口」面對欺凌者,令對方冇癮。
鍾嘉欣要「笑笑口」面對欺凌者,令對方冇癮。

藝人鍾嘉欣正佗第3胎BB,身在加拿大安胎,不過她都Keep住拍片分享生活,今次她大講「職場欺凌」,更自爆曾遭受欺凌:「曾經遇過一啲人,令你難受、失去信心,甚至係有啲Bullying(欺凌)嘅感覺。以前唔識處理會好被影響,會係咁諗點樣解決問題,等佢唔好再傷害我。」最後她搵到最好方法對付欺凌者,就是「Do nothing(乜都唔好做)」,她以自己做例子解釋:「好多嘢係解決唔到,遇到一個人唔鍾意你、要挑剔你,係佢自己嘅問題,唔好攬上身。你花咁多心思,你去諗辦法就係折磨自己,一定唔好咁傻。對方對你唔好、欺凌你,佢其實係好渴望得到你嘅回應,連佢自己都唔知自己咁想要,你畀咗反應佢,佢就會愈吸愈多,愈嚟愈搞你。」她親身示範要對欺凌者「笑笑口」及唔畀反應,對方慢慢就會「冇癮」,又指自己都學了很久。

她亦講到以前細個不成熟、好執着,但人生是屬於自己,跟隨自己的心就會開心,切忌隨波逐流:「如果跟隨個腦去諗嘢,我就會容易增加負能量,想同大自然一樣咁安然生活,就要用心生活喺最靜態,千祈唔好心急。」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能