鏡頭前打餐死 戲外惺惺相惜 吳卓羲與潘燦良合作High到毛管戙

【星島日報報道】由葉念琛執導，湯怡、吳卓羲（Ron）、潘燦良、何佩瑜（Jeana）演出的英皇電影《致命24小時》，首次扮演失明人士的湯怡於電影開拍前到盲人中心實地考察，除了矇住眼在家中體驗生活外，亦嘗試煮 ：「演失明人士真係好大挑戰，當初會想像盲係有好多種，最後我擘大眼去演。」她在戲中更不停被潘燦良糟質，甚至被摑打十幾巴，隔住大銀幕也戥她慘：「我第一日開完工，落完妝發現面上爆晒微絲血管，手腳都有瘀傷。」

今次演大反派的潘燦良，因戲中的太太何佩瑜出軌，令他成為變態殺手，為了報仇糟質湯怡，包括摑打、扯頭髮，還有從沙發硬拉對方落地上等招數盡出，就連太太Jeana都被他打。潘燦良笑言初時拍都會就住去打，亦擔心做得好可能打到對方受傷，做得不夠好就令部戲效果不好睇，又要拍多次打對方的戲分，幸好兩位女拍檔給予信心。

吳卓羲在戲中與潘燦良有連場的打鬥戲，雖然潘燦良在舞台劇上經驗豐富，但他坦言武打經驗不及Ron，要向對方學習。Ron則大讚潘燦良演戲的氣場勁，「我覺得可以跟一些咁好資歷的演員去合作，就算講每一句說話對手能吸引到去演時候，身為演員的我，覺得好享受！同燦哥演對手戲講對白，我有毛管戙感覺，覺得好想拍更多，自然會諗到 加入動作或表情。」

文：鄺芷瑩 圖：陳敏華

化妝：Marsha Ma（吳卓羲）、木子維納Vena（湯怡）

髮型：Ian Wong @ii salon、Kathy（吳卓羲）、木子維納Vena（湯怡）

服裝：Majeparis（湯怡）

場地： The Crown@英皇駿景酒店

■吳卓羲、湯怡和潘燦良因合演《致命24小時》，而成為互相信任的好拍檔。

■潘燦良在戲中百般虐待湯怡，他坦言也擔心會令對方受傷。

娛樂