阮民安評Loong 9 團名「肯定俾人笑一世」爆曾志偉改E-Kids原團名叫xx！

《亞洲超星團》決賽完結，當晚曾志偉宣布9名成績最好嘅練習生組成男團正式出道，團名叫Loong 9（9字以英文讀出），象徵呢隊男團喺龍年一飛沖天。呢個名稱一出迅即引起討論，唔少人覺得個名令人摸不著頭腦，亦有網民笑指用廣東話讀出個團名好似粗口，加上個Loong字廣東話讀音似「燶」，有窮到燶嘅意思，大吉利是咩！

曾經係男團E-Kids成員嘅阮民安Tommy，喺Loong 9面世之後出post，同樣對呢個隊名不敢苟同，仲話「我不意外」、「但呢班𡃁仔就慘啲喇，個名肯定俾人笑一世」。

當年E-Kids係由曾志偉同譚詠麟開設嘅Stareast發掘出道，而Tommy就喺個post爆咗，E-Kids出道前原本有另一個團名，都係由曾志偉改嘅，叫A4，難怪Tommy話唔意外！阮民安話當時佢聽到個名，忍唔住爆咗句「A4？紙嚟㗎？」。後來Tommy話堅持之下先至有E-Kids呢個「比較易接受啲嘅名出道」。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！