雅虎香港新聞 
陪家姐港島遊 宅女陳煒 慳家坐摩天輪
邊個話做娛樂圈就要語出驚人搞事求上位?邊個話人在電視台 就身不由己勾心鬥角至得監製高層垂青?其實都有個與世無爭默默 耕耘的陳煒!12年失婚回流簽約無綫,憑住超班演技隨和性情六年 來連拍十九套劇,在無綫企穩陣腳,今年更加成為《萬千星輝頒獎 禮》視后大熱。由年頭拍到年尾自給自足做唔停,放假多數宅在家 中湊貓玩煮飯仔。難得出一轉門,都唔係有新歡,原來拖住家姐平遊港島！
撰文：東方新地 ｜圖片 ：新傳媒圖片
延伸閱讀：
宅女陳煒 慳家坐摩天輪
2012年陳煒與台灣商人顏志行結束四年婚姻,回歸電視台簽約無綫。明明當年已經離 婚,不過煒哥就夠硬頸,拒收贍養費、拒絕前夫送樓、收收埋埋離婚消息免被指失婚博同 情,一於靠自己在無綫由閒角做起從頭經營演藝事業。六年過去,超班演技吸納唔少忠粉同監 製厚愛,不過劇接劇亦都犧牲不少私人時間,加上煒哥性格宅女唔熟唔見,遲遲未見覓得第二春、感情生活仲未有著落。
享受單身
連三線小花都周遊列國、晒袋炫富時,捱得又慳家的陳煒就為每月慳番六萬差價由港島改 租油塘單位自住,年中無休,今年已經連拍六套劇、難得唔使入廠都係見佢去行山、入離島親 親大自然,日前放假就拖住感情要好、年長十多年的胞姊閒遊中環。亞姐冠軍出身、昔日亞 視當家花旦,今時今日在無綫套套都係女主角,但陳煒出外平實完全不以花旦明星自居,冇 口罩、冇黑超,淡妝牛仔褲波鞋上陣,醫肚都係同 家姐簡簡單單飲杯咖啡、食個三文治搞掂。食飽同 家姐拖住手行去海旁排隊搭摩天輪。留意番,去年 尾摩天輪重開、由100蚊人頭費大減至20蚊一位,玩完一轉剛剛好天黑,夠晒實惠!
當日下午坐摩天輪前,陳煒先與胞姊在上環商場咖啡連 鎖店食個簡餐醫肚,兩姊妹自顧自說不停、亦完全不介 意其他食客搭枱坐埋一齊。
煒哥食飽飽同家姐一齊行去中環海旁,排隊同坐摩天輪,在北京出世、歲半移居香港的陳煒曾透露比胞姊細十多年,在家中深得父母、姐姐痛錫。
在陳年的合照中，可見當年被母親手抱的陳煒，和家姐同樣都是包包面！
一睇就知陳煒同家姐關係極親密,由食店一路講到 排隊準備上摩天輪,兩姊妹都雞啄唔斷。
遊完一輪約二十分鐘,天色漸暗,兩姊妹落地時神情興奮拖住手仔,盡顯姊妹情深。
做明星都有好處，明明包廂要收160蚊，職員見排隊遊客不算太多，都特別安排兩姊妹獨享私人空間。
花20蚊有得攞維港兩岸景色做背景影靚相絕對抵到爛，當日煒哥都在ig上載靚相。
96年選亞姐、12年回流改簽無綫,出道超 過二十年、無論邊個台,無論電視定電影圈,陳 煒絕對係異數,與世無爭作風樸素,極少惹是非,不過就套套劇都交到朋友。
失婚後感情唔見有著落、陳煒開工以外最常見陪在身邊的就係家中愛貓！
拍《多功能老婆》同朱晨麗變老友，日前煒哥更同朱朱在家煮飯仔，為好姊妹大晒廚藝。
拍《深宮計》演太平公主爆紅外,同演皇兄的李 隆基亦十分 friend,李隆基就多次公開大讚陳煒 好演技。
拍梅小青監製的新劇《法政先鋒 IV》，煒哥是三大女主角之一。
【藍潔瑛逝世】曾有「靚絕五台山」美譽 古裝時裝扮相皆宜
【金庸離世】細數歷代11位小龍女 陳玉蓮被金庸點名大讚
【金庸離世】 細數歷年經典黃蓉 位位都是大美人！
【跳躍生命線】郭子豪有樣更有米！大台15位富貴兵團逐個捉
【是咁的，法官閣下】升呢做女一！人妻王君馨 狂谷胸宣傳⋯
女神封盤！江嘉敏認戀電競公司高層 男友大起底
專出童顏藝人？張彥博、孫慧雪原來係中學師兄妹⋯
仔女睇得又讀得！盤點13位學霸星二代
《鬼怪》、《繼承者們》都不是第一？！節目公布最佳韓國電視劇前五名
女大18變！《爸爸2》12歲多多 變長腿美少女
吳嘉龍被女家嫌冇車冇樓？吳耀漢 寸爆親家拜金
揭《大帥哥》變倉底貨死因 張衞健蝕住回巢 淪為炮灰
延伸閱讀：
