陳偉霆亂泊車被保安訓話掀熱討 被網民笑：「都說了我叫陳違停了」

陳偉霆（William）喺13年開始進軍內地市場，接拍多齣電視劇，一早榮升內地一線小生嘅佢依然人氣高企，賺到盆滿缽滿。事業發展順風順水嘅佢喺香港及內地都有置業，近日身處北京嘅佢就畀網民偶遇，並上載圖片大爆佢喺社區亂泊車被兩位保安斷正兼被當面訓話。

網民喺小紅書上載一張陳偉霆與保安嘅照片，並寫上：「今天陳偉霆在小區停摩托車的時候，被保安大爺教育了。保安大爺說：『把摩托車停好，不然我們就給鎖了』，陳偉霆也是很認真地聽大爺講，沒有一點明星架子。 所以說有個好的物業多重要，維護社區秩序一視同仁。」

相片中著上休閒衣服嘅陳偉霆，而身後嘅電單車就係屬於佢，企定定咁被兩位保安訓話，全程態度友善。相片出街後，隨即掀起網民熱烈討論，紛紛留言：「哈哈哈哈哈哈哈哈可愛的小內八」、「態度不錯，哈哈哈」、「他看著好接地氣好老實巴交」、「挨訓的樣子有點呆，有點可愛」、「內疚到內八」、「他的站姿已經表示認錯了」、「他的腳看起來非常聽話和拘謹」、「認真被教育的乖學生」 、「都說了我叫陳違停了」 及「像一個學習優秀的學生」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！