陳嘉寶禁囡囡出鏡 賺少7位數

東方日報
·2 分鐘文章
陳嘉寶天生麗質,唔似生咗兩個女。
陳嘉寶天生麗質,唔似生咗兩個女。

陳嘉寶去年9月秘生第2胎,休息數月即急不及待「復出」,她願意與老公黃頌祈夫妻檔搵錢,卻嚴禁囡囡亮相,不惜推Job賺少7位數!

陳嘉寶(Anjaylia)與曾任模特兒的闊少老公黃頌祈婚後三年抱兩,大女Hosanna現年2歲,二女Eliana則5個月大。她自爆兩次懷孕期間體重同樣只增磅8kg,難怪佗第2胎時完全冇人知,她說:「如果唔係做呢行會放鬆啲,見格仔餅、雞蛋仔就好想食。早排電視劇《女人俱樂部》重播,好多人問幾時會睇到我再做戲?呢啲成為我嘅動力,我同自己講,動力成為我精神格仔餅!」

「我會跑番條數」

自認工作狂的她希望做好事業:「世界對女藝人好嚴謹,女人結咗婚就叫『人妻』、『人母』,唔見叫男人做『人父』、『人夫』!湊小朋友就係放棄事業、冇上進心,出嚟做嘢又話唔理屋企人,覺得所有職場女性都遇到呢個問題。」呼籲各位女性要堅持夢想。

Anjaylia透露近日跟導演彭秀慧學演戲,並獲姊妹閨蜜團「Sixters」賴慰玲、陳瀅、蔡思貝等鼓勵:「佢哋好肉緊我出番嚟,感情係真嘅。」並笑言自己現在是真正的BB:「以前成日叫我做Anjay BB,但我性格一啲都唔BB,真心覺得依家係BB,係年紀老啲、重新出發嘅BB。」

她坦言拒絕讓兩個囡囡出鏡:「如果我肯post相,錢會賺好多,Followers都會升好多。粗略計,真係冇咗7位數,1個女已經冇咗7位數,不過唔緊要,我會跑番條數返嚟。(老公幫手跑數?)佢都係模特兒前輩,不嬲好多人叫佢出活動同拍廣告,好多時搵佢而唔係搵我。」

陳嘉寶上演戲課程增值自己。
陳嘉寶上演戲課程增值自己。