陳嘉慧處女Busking攞威 胡鴻鈞恨做老竇 拒戀老女人

·2 分鐘文章
胡鴻鈞讚陳嘉慧有觀眾緣,上位有望。
胡鴻鈞讚陳嘉慧有觀眾緣,上位有望。

胡鴻鈞昨日拉隊於街頭玩快閃,首次於街頭Busking的陳嘉慧獲讚天資聰敏。胡鴻鈞自嘲與年輕6歲的嘉慧做螢幕情侶有違和感,現實中則不想另一半年紀太大,擔心未來老婆替他傳宗接代時冒高齡產婦風險。

胡鴻鈞(Hubert)、陳嘉慧與無綫劇《愛上我的衰神》演員馬貫東、許俊豪、歌手谷婭溦及張彥博等,昨日現身尖沙咀街頭快閃派發紀念品,吸引逾百途人圍觀,Hubert粉絲更帶應援牌及鮮花支持。他們獻唱劇集主題曲和插曲後,再唱近日翻hit的《倒轉地球》炒熱氣氛,快閃半小時完成,剛巧有兩警察到場了解。

自嘲顏值低

首次Busking的嘉慧坦言很大壓力:「Hubert唱得咁叻,好大壓力,我哋只係唱之前15分鐘夾過1次。」而Hubert讚嘉慧有天分,一講就明。問到可有機會再合唱?他說:「睇吓佢有冇期,佢炙手可熱,好多網民都畀正評,話女主角揀得好,讚佢脫俗、清秀、可愛、演技自然!我唔係老作,好開心,覺得應該畀多啲機會新人。」

他坦言年紀大嘉慧一截,有違和感,並自嘲顏值低及演技不好,嘉慧即向他笠高帽:「我淨係見到啲人話你靚仔、楚楚可憐同喊到好虐心。(網民讚你喎!)好開心大家鍾意『小渝』呢個角色。」問2人可接受姊弟戀?Hubert笑言冇所謂,但年紀不可以相差太遠:「唔係嫌棄年紀大,係擔心佢生BB有壓力,唔想另一半承受高齡產婦嘅危機,因為我想有小朋友。(依家另一半幾多歲?)劇中另一半25歲。(現實另一半呀!)多謝大家,新年快樂。」而嘉慧表示接受男友大她10年。

眾人於街上獻唱《倒轉地球》。
眾人於街上獻唱《倒轉地球》。
胡鴻鈞派發紀念品。
胡鴻鈞派發紀念品。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能