陳展鵬讚舊拍檔鍾柔美:14歲已經好全能!

·1 分鐘文章
陳展鵬與糖妹拍攝新劇,獲對方笠高帽!
陳展鵬與糖妹拍攝新劇,獲對方笠高帽!

視帝陳展鵬今日會跟「聲夢」多位學員炎明熹、林沚羿等於奧海城出席活動,他更會演繹新歌。日前他與糖妹拍攝新劇《童時愛上你》,說到鍾柔美(Yumi)曾當童星,與他合作過無綫劇集《城寨英雄》,他坦言認得對方,更大讚她說:「佢好靚女,個樣好精緻,14歲已經好全能,有熱誠同有火。(你做得佢爸爸!)得!唔知佢哋點叫我呢?叫展鵬哥哥已經執身彩,叫Uncle都唔知點算!」

同場的糖妹坦言從未跟展鵬合作拍劇:「有一次我做《勁歌》主持,佢做嘉賓!」在旁的展鵬即說:「我N年前同你做過綜藝節目《甜姐兒》!」糖妹笑說:「因為嗰陣主題係要請啲男神上嚟,嗰陣我啱啱出道,都10年前!佢演戲一定係我前輩,唱歌都係,想當年展鵬唱歌時我都仲係中學生啫!佢唱歌好好聽㗎!我有認真聽!(合唱吓?)睇吓監製畀唔畀機會我哋,主題曲、插曲都好。」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能