陳彥行另一半被爆疑似係黃子華司機 行姐收媽咪千萬北角豪宅

日前傳媒爆料指47歲嘅陳彥行（行姐）有個3歲女兒，並且喺港島區一間名牌幼稚園就讀。事隔2日行姐喺facebook發文承認一早升呢做媽咪，並指「3年前就應該公佈這個喜訊」。至於囡囡生父是誰，行姐就交代另一半係「沒特別，簡單低調嘅圈外人」。

今日有傳媒透過陳彥行好友收風得知，呢位「簡單低調嘅圈外人」，原來係黃子華嘅司機！行姐同子華曾經一齊合演處境劇《男親女愛》，未知子華係咪撮合二人嘅媒人。據報導，身材出眾但無咩緋聞嘅陳彥行，同呢位圈外男伴一齊多年，唔介意對方身份，而且同朋友聚會時行姐都俾足面男友，鮮有提及男方職業，以保護愛人身份。爆料人又指呢位另一半同樣對行姐照顧周到管接管送，只係為免壓力太大先至收埋戀情。

雖然陳彥行同男伴過得愉快，但原來行姐媽咪對「女婿」平民身份唔多受落，二人交往期間陳媽媽多次叫個女諗清楚，甚至曾出言反對。不過據報導話行姐戀愛大過天，甚至4字頭都趕住做高齡產婦，務求「生米煮成熟飯」！到孫女出世後，陳媽媽當然嗒糖，而且「女婿」表現良好，最後都接受。報導未有提及到底行姐同「另一半」有冇結婚。

2021年底，應該生完囡囡冇耐嘅行姐，搵TVB《東張西望》幫手追討媽媽疑被銀行職員誤導簽下3000萬元嘅巨額保單。由節目內容推斷，退休前經營飲食業嘅陳媽媽應該收埋唔少。報導就指陳媽媽追返有關款項後，決定為阿女同孫女買間北角豪宅。而行姐囡囡入讀每年學費接近11萬嘅名牌幼稚園，相信陳媽媽都有份「助攻」，行姐亦索性減少演出全力湊女，並且不時參加校內活動，未有因為圈中人身份而有所避忌。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！