雷凱欣IG大曬名牌手袋呻多到煩 息影多年有子萬事足

36F「咪神」雷凱欣喺11年參演三級電影《3D肉蒲團之極樂寶鑑》後一脫成名，不過佢喺12年戀上車行太子爺陳智聰後就淡出娛樂圈，可以講係消聲匿跡。直2018年2月，與鄭希怡（Yumiko）喺東京遇到，佢先透露自己已經結咗婚同做埋媽媽。

雷凱欣雖然離開娛樂圈，但佢仍活躍於社交網站，不時喺IG大曬家庭照，又不時大曬名牌手袋，近日佢就大呻整理名牌袋嘅煩惱。佢喺IG限時動態上載咗堆名牌手袋，手袋放喺地上好似擺地攤咁等抽真空收納，佢寫上「到底要搞幾多個鐘？買得多袋的煩惱」，另一張相見到一名牌手袋喺櫃內層層疊擺放，唔怪得佢話自己似工廠妹。

唔好以為雷凱欣淨係鍾意買名牌袋，其實佢對3歲嘅囝囝更係貼心照顧，寸步不離。佢形容自己係一個「痴線阿媽」，無時無刻都想同個仔痴埋一齊，只希望兒子開開心心，唔會要個仔學習十八般武藝。佢話冇諗過做媽媽嘅辛苦，佢認為照顧一個100%依賴你嘅小生命唔容易，不過佢冇靠任何人。佢希望同個仔一齊開心快活，同埋陪佢一齊去學習。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！