電影LOL︳曾令《小丑回魂》勁賺20倍嘅男人 華納DC日裔高層走人

今日講下荷里活人事變動,都幾似你同我都可能目擊過嘅辦工室政治事件。

Walter Hamada (中)同右邊嘅Toby Emmerich都先後離開華納
Walter Hamada (中)同右邊嘅Toby Emmerich都先後離開華納

DC漫畫改編系列電影《黑亞當》今周末上映,估計全球票房1億3500萬美元(下同),都算係好消息。不過有消息話DC電影總裁Walter Hamada(濱田禾特)就喺呢個時候走人,而家只係等總公司華納計埋份糧,先至正式公布。

濱田san打理DC Films 4年,合約原定出年先屆滿,但係內部一早估到佢會走人,因為間office已經執好,近排連度橋會都冇join。

<span>David Zaslav</span>
David Zaslav

華納今年初同Discovery合併,由David Zaslav成為話事人,到而家已經有5個總管級高層唔做,另外David Zaslav掌䡐後仲將做緊後期嘅億元鉅製《蝙蝠女》全面煞停,間公司個「熱廚房」似乎冇涼爽過。外媒報道,濱田禾特未同David Zaslav見面,都收到風自己怕且要執定包袱,因為通行都知David Zaslav想將DC打造成死對頭Marvel一樣,咁當然需要一個好似Marvel總裁Kevin Feige咁點石成金嘅人。

行內人話,濱田禾特當然唔會係將DC搞到好似Marvel咁,將唔同角色用劇集同電影建構一個宇宙嘅人。但濱田往績都好亮麗,《小丑》同《水行俠》全球收過10億破晒紀錄,《蝙蝠俠》都有7億7100萬。小本投資嘅《小丑回魂》(It)只係用3500萬,就搏到7億返嚟,1賠20呀!買獨贏都難中啦!所以濱田禾特要搵新工應該唔難,可能仲快手過David Zaslav搵佢個Kevin Feige返嚟。

新官上任三把火,新老細想搵個心目中人選埋位,結果原有嘅team head走人……你話係咪好似一般扮工室嘅花生八卦料先?

更多電影文章

電影LOL.今期睇咩戲︳黑亞當/獵戰/給自己的情歌/餘命10年/巴黎夜旅人間/劇場版 擅長捉弄人的高木同學

電影LOL︳The Rock 賣橋成功 黑亞當同超人crossover有望?

電影LOL︳正評勁過上集 Netflix《神探白朗》新片明益院線優先上映

電影LOL︳娃鬼大戰!新登場M3GAN 社交平台挑機寸Chucky 隨時建立娃鬼元宇宙

電影LOL︳Netflix 11月推有廣告版服務 月費平3成 香港未有計劃推出

電影LOL︳甄子丹國慶檔大片《搜救》慘蝕9成半 《飯戲攻心》內地放粵語版收近1億

電影LOL︳眾星拱照一樣仆 《阿姆斯特丹》票房失利 專家估蝕1億美元

電影LOL︳內地國慶檔票房僅去年3分1 唔關疫情事「太紅」先係死因?

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!