電影LOL︳票房係《明日戰記》6倍 《獨行月球》係國產太空《真人Show》?

《明日戰記》呢個星期香港上畫,但係因為內地票房至今接近4億人民幣,有傳主演兼監製古天樂好感觸。今日仲傳出《明日戰記》疑被「偷票房」消息,有影迷網上買飛睇《明》,但係戲飛竟然印住另一套大片《獨行月球》。

7月底上映嘅《獨行月球》,至今票房已經超過25億。同樣有科幻元素,《獨》票房係《明日戰記》6倍,當然惹來議論紛紛。但《獨》真係比唔上4.5億鉅製嘅《明日戰記》?

開心麻花台柱沈騰主演《獨行月球》
開心麻花台柱沈騰主演《獨行月球》
女主角馬麗,亦係開心麻花嘅花旦
女主角馬麗,亦係開心麻花嘅花旦

先講故事。《獨行月球》以韓國漫畫改編,提到人類為抵禦小行星的撞擊,拯救地球,在月球部署了月盾計劃。隕石提前來襲,全員緊急撤離時,維修工獨孤月(沈騰 飾)因為意外,錯過了領隊馬藍星(馬麗 飾)的撤離通知,一個人落在了月球。不料月盾計劃失敗,獨孤月成為了「宇宙最後的人類」,開始了他在月球上的生活。片中獨孤月一舉一動直播到地球,就好似占基利主演嘅《真人SHOW》一樣。

《獨行月球》有愛情、喜劇以至後來嘅正劇元素,以娛樂片計絕對對得住入場觀眾。不過內地網民對《獨行月球》反應相當兩極,盛讚嘅同鬧爆嘅差唔多係一半半,有影評認為故事嘅荒誕處境,秉承出品片商開心麻花嘅風格;亦有人好直接,認為唔好笑,結局煽情,《明日戰記》水準好好多。

獨行月球
獨行月球

製作《獨行月球》嘅開心麻花,本來係一個舞台劇團,取名自2003年12月上演嘅創團作《想吃麻花現給你擰》,而呢套劇嘅主角有何炅同謝娜兩位現時內地綜藝主持一哥一姐。開心麻花嘅喜劇風格深受歡迎,發展越來越勁,2015年仲踏足電影界,將得意之作《夏洛特煩惱》拍成電影版,狂收14億人民幣,同年成為上市公司。之後嘅《羞羞的鐵拳》、《西虹市首富》分別有19億及25.5億票房,所以《獨行月球》收25億只係保持水準。而且開心麻花對內地觀眾口味捉得比較準,比如《獨行月球》入面有隻同獨孤月留喺太空嘅袋鼠,因此引發唔少笑料,部份係有味嘅,所以被批評低俗。但似乎對於觀眾層面同水平距離闊到不得了嘅內地市場,呢個設定就顯出開心麻花嘅精密計算。

更多電影文章

電影LOL︳今期睇咩戲 阿媽有咗第二個/失憶殺神/孕辱/北族人/魔神英雄傳 七魂的龍神丸 -再會-

電影LOL︳等到出血!第10套《恐懼鬥室》出年萬聖節面世

電影LOL︳《功夫熊貓》第4集落實 2024年3月阿寶返嚟啦

電影LOL︳大件頭男演員10個月減150磅 演業餘拳手重拾熱血人生

電影LOL︳2千呎高塔逃生冒險 新片Fall用人工智能遮粗口變返II級片

電影LOL︳七月梗係睇鬼片 台灣驚嚇作《民雄鬼屋》戲中道士性侵案真有其事

電影LOL︳《衝上雲霄︰獨行俠》勁賺過百億 60歲湯告魯斯連開3套新戲 有歌舞片仲扮核突佬

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!