電影LOL︳七月梗係睇鬼片 台灣驚嚇作《民雄鬼屋》戲中道士性侵案真有其事

炎炎夏日而且又係農曆七月,睇鬼片真係消暑最佳活動(?)。早排唔少人喺Netflix睇台片《咒》,仲有人因為戲中咒語設定而俾負評。

呢期又有新嘅台灣鬼片上映,應節嘛!台灣上星期上映嘅本土鬼片《民雄鬼屋》唔止係片名,亦係台灣當地著名「猛」嘅地方,日治時期由當地名門望族興建,後來日久失修,仲曾經發生過軍官喺黑暗中錯誤開槍射殺下屬嘅悲劇,「鬼屋」之名不逕而走。

而《民雄鬼屋》電影講述單親媽媽何聖心(楊謹華飾)趁清明時節帶個女小琪同阿媽(沛小嵐飾)返嘉義民雄公墓掃墓。小琪(麥語彤飾)掃墓時意外觸發生人勿近邪陣而失蹤。焦急的聖心同阿媽返去係人都知曾經鬧鬼嘅何家大宅,試圖尋找小琪下落,結果竟發現阿媽長年唔俾人靠近而釘封嘅三樓已被破開,聖心開始遭受邪靈的糾纏。打算搵好友小琪嘅師兄阿智(劉韋辰飾),喺何宅遇見聖心,兩人急切想找到小琪,卻意外闖入同何宅一模一樣但左右顛倒嘅異度空間。而庭院嘅古井,準備向佢地揭開埋藏多年嘅恐怖秘密。

《民》卡士唔錯,有台劇《華燈初上》嘅蘇媽媽楊謹華一人分飾兩角,仲有堪稱「台灣羅蘭姐」嘅資深演員沛小嵐,飾演因為迷信而誤事嘅婆婆,撞邪之後要反白眼兼揸刀殺人,好大起伏。導演劉邦耀用咗唔少長鏡頭交代恐怖氣氛,其中一場戲更加長達8分鐘,事前要有幾多準備工夫,可想而知。拍鬼片,仲搵埋唔少古宅取景,據聞拍攝背後都有唔少靈異事,例如劇組人員準備好衣紙俾現場嘅靈界「朋友」,點知佢地好霸氣,5日份量1晚燒晒先搞得掂!

據編劇張哲鳴講,故事唔止以民雄鬼屋呢個當地鬼故取材,戲中部份情節都同呢個地方有關。(下面有雷)

--避雷分隔線--

--避雷分隔線--

--避雷分隔線--

--避雷分隔線--

例如戲中沛小嵐將女兒楊謹華「奉獻」被道士個仔(宥凱飾)性侵嘅情節,係改編自台灣真實案件。有女大學生誤信道士之言,以為自己同民雄鬼屋女鬼嘅時辰八字吻合,會被女鬼纏身,於是跟道士去廟參拜,點知之後要去汽車酒店開房。後來女事主報警,自稱係道士嘅男人被判監4年半。而受害人嘅婆婆亦因為相信道士之言,居然幫道士買停經藥,事後一齊被起訴。

聽完,覺得蠢人仲恐怖過鬼。

更多電影文章

電影LOL︳今期睇咩戲 殺手列車/緊急迫降/DC超寵聯萌/緣路山旮旯/電影多啦A夢:大雄之宇宙小戰爭2021

電影LOL︳七月梗係睇鬼片 台灣驚嚇作《民雄鬼屋》戲中道士性侵案真有其事

電影LOL︳《衝上雲霄︰獨行俠》勁賺過百億 60歲湯告魯斯連開3套新戲 有歌舞片仲扮核突佬

電影LOL︳華納第2季勁蝕34億美元 CEO解釋「殺死」《蝙蝠女》原因

電影LOL︳1億美金倒落海!華納全面抽起《蝙蝠女》連串流平台都唔放

電影LOL︳《反斗車王》網劇9月上架 哨牙麥同麥昆去旅行 原因竟然係咁?

電影LOL︳《洛奇》旁枝人物變主角 史泰龍冇得分 出post鬧爆監製係吸血鬼

電影LOL︳唔嫁又嫁 Ben Affleck為《水行俠》再演蝙蝠俠

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!