電影LOL︳唔嫁又嫁 Ben Affleck為《水行俠》再演蝙蝠俠

首先,祝願MIRROR演唱會上受傷嘅兩位舞者早日康復。另外,有關方面必需追究意外責任。

=========

呢期最juicy嘅外國娛樂新聞,應該係有傳同Jennifer Lopez新婚燕爾嘅Ben Affleck,因為婚前協議規定要一周親熱4次,結果被狗仔隊影到Ben哥謝晒皮,一副「靈魂被抽乾」嘅模樣。

或者因為呢單嘢太爆,咁唯有用另一單新聞遮一遮。水行俠Jason Mamoa星期四喺社交媒體宣布,Ben Affleck將會以蝙蝠俠一角,喺新一套《水行俠》電影現身!話說荷里活唔少片廠都有俾遊客參觀嘅巴士團,懷疑有遊客見到Ben Affleck喺片場拍緊《水》,有關方面可能心諗與其益八卦新聞媒體,不如自爆,於是就由Jason Mamoa出post。

電影LOL︳唔嫁又嫁 Ben Affleck為《水行俠》再演蝙蝠俠
電影LOL︳唔嫁又嫁 Ben Affleck為《水行俠》再演蝙蝠俠

Ben Affleck喺2016及2017年演出蝙蝠俠,分別係喺《蝙蝠俠對超人》、《正義聯盟》等現身,但2019年佢宣布唔會再演,後來受訪時解釋當時同前妻Jennifer Garner搞離婚,自己有酗酒問題,拍《正義聯盟》又同劇組出問題,佢將《蝙蝠俠》劇本俾身邊人睇,對方認為劇本係好,但亦勸佢再拍蝙蝠俠只會令佢酗酒更嚴重。於是Ben Affleck決定辭演。片商亦搵咗「吸血仔」Robert Pattinson做新一代蝙蝠俠。

殊不知舊年Ben Affleck竟然再次以蝙蝠俠造型,參演下年6月上畫、由今期荷里活麻煩友Ezra Miller主演嘅《閃電俠》。而今次Ben Affleck有份嘅新一套《水行俠》,可能下年3月就有得睇,好大機會搶走《閃電俠》頭啖湯。

更多電影文章

電影LOL.今期睇咩戲︳七人樂隊/心裏美/鬼咒/智理想情人/決戰江陵

電影LOL︳威尼斯影展競賽片單公布 狼人、邦女郎爭影帝影后 華語片0入圍

電影LOL︳MARVEL第5、6階段作品面世日期曝光 《復仇者聯盟》2025年一次過出2集

電影LOL︳《黑豹2》預告片登場 邊個取代已故Chadwick Boseman?

電影LOL︳荷里活巨星片酬大公開 湯告魯斯憑《壯志凌雲︰獨行俠》賺1億美金

電影LOL︳觀眾睇完會中咒?台灣超恐怖鬼片《咒》登上NETFLIX榜首 確定拍續集

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能