電影LOL︳《衝上雲霄︰獨行俠》勁賺過百億 60歲湯告魯斯連開3套新戲 有歌舞片仲扮核突佬

事隔36年先拍嘅續集片《衝上雲霄︰獨行俠》，如無意外應該係今年全世畀票房最高電影，至今全球票房高達13億美元，折合大約係102億港元，比起唔少上市公司嘅市值更高，講緊只係一套戲！

雖然今年主角「靚佬湯」Tom Cruise正式「登六」，但係既然有吸金能力又有心有力，根據外媒Deadline報導，佢同《職業特工隊》監製拍檔Christopher McQuarrie已經有3個project打算開波，3套都係唔同類型。

第一套好正路，係刺激動作片，有機會好似《職業特工隊》或者《殺神John Wick》咁，票房好收就可以立即拍續集嘅類型，唔意外吖。第二套，係原創音樂劇電影，預計會星光熠熠。原來Tom Cruise一直好有興趣拍歌舞片，拍2012年上映嘅《搖滾歲月》（Rock of Ages）前仲學唱歌添。至於第3個project更出人意表 — 2008年嘅瘋狂喜劇《雷霆喪星》入面，Tom Cruise咪飾演一個電影監製Les Grossman，易容變肥又整到地中海咁嘅？據講Tom Cruise想以Les Grossman一角開套戲，但未知會係咩玩法，可能係借Les Grossman呢個角色開個新故仔都唔定。以上呢3個project，將會由Tom Cruise同Christopher McQuarrie一齊寫劇本。

除咗呢3套戲之外……Tom Cruise仲有2套大片喺手，一套係《職業特工隊》第8集。近排有娛聞報導Tom Cruise為《職》片而學「極速飛行」；另一套係坐Elon Musk嘅火箭上太空拍嘅新片，仲會喺國際太空站取景。

喂你一世人做人地幾世人嘅嘢啦喎，仲要咁靚仔，得唔得架？拍晒上面5套戲，恐怕Tom Cruise都70歲，到時……佢應該仲未肯退休。

更多電影文章

電影LOL︳今期睇咩戲 殺手列車／緊急迫降／DC超寵聯萌／緣路山旮旯／電影多啦A夢：大雄之宇宙小戰爭2021

電影LOL︳七月梗係睇鬼片 台灣驚嚇作《民雄鬼屋》戲中道士性侵案真有其事

電影LOL︳《衝上雲霄︰獨行俠》勁賺過百億 60歲湯告魯斯連開3套新戲 有歌舞片仲扮核突佬

電影LOL︳華納第2季勁蝕34億美元 CEO解釋「殺死」《蝙蝠女》原因

電影LOL︳1億美金倒落海！華納全面抽起《蝙蝠女》連串流平台都唔放

電影LOL︳《反斗車王》網劇9月上架 哨牙麥同麥昆去旅行 原因竟然係咁？

電影LOL︳《洛奇》旁枝人物變主角 史泰龍冇得分 出post鬧爆監製係吸血鬼

電影LOL︳唔嫁又嫁 Ben Affleck為《水行俠》再演蝙蝠俠

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！